ବଲାଙ୍ଗିର (ଘଟେଶ୍ୱର ମିଶ୍ର): ଅପହୃତ ହୋଇଥିବା ବଲାଙ୍ଗିର ଜିଲ୍ଲା ପୁଇଁତଳା ବିଡିଓ ସରୋଜ ମିଶ୍ର ଫେରିଛନ୍ତି। ସେ ଚାଲି ଚାଲି ଉପଜିଲ୍ଲାପାଳଙ୍କ ଅଫିସକୁ ଆସିଛନ୍ତି। ସେଠାରେ ତାଙ୍କ ସହ ଜିଲ୍ଲାପାଳ ଓ ଏସ୍ପି ରୁଦ୍ଧଦ୍ୱାର ଆଲୋଚନା କରୁଛନ୍ତି। ମାତ୍ର କେଉଁମାନେ ଏବଂ କାହିଁକି ତାଙ୍କୁ ଅପହରଣ କରିଥିଲେ, ତାହା ଜଣାପଡ଼ିନି। ତେବେ ଏହି ଅପହରଣ ନାଟକର ପ୍ରକୃତ ଖଳନାୟକ କିଏ, ପୁଲିସ ତା'ର ତଦନ୍ତ କରୁଛି।
ଆଜି ଅପରାହ୍ନ ୪ଟା ବେଳେ ବିଡିଓ ସରୋଜ ମିଶ୍ର ଅଫିସରେ ଥିଲେ। ଠିକ୍ ଏହି ସମୟରେ ୮ରୁ୧୦ ଜଣ ଯୁବକ ଏକ ସ୍କର୍ପିଓରେ ଆସି ବ୍ଲକ ଅଫିସରେ ପଶି ବିଡିଓଙ୍କୁ ଅପହରଣ କରି ନେଇଯାଇଲେ। କିଏ ଓ କଣ ପାଇଁ ତାଙ୍କୁ ଅପହରଣ କରିନେଲେ, ତାହା ସ୍ପଷ୍ଟ ହୋଇନାହିଁ। ତେବେ ଠିକା କାମକୁ ନେଇ ତାଙ୍କୁ ଅପହରଣ କରାଯାଇଥିବା ଅଭିଯୋଗ ହୋଇଛି।
ଅପହରଣ ନେଇ ସୂଚନା ପାଇବା ପରେ ପୁଲିସ ନିଜଆଡ଼ୁ ମାମଲା ରୁଜୁ କରି ଖୋଳତାଡ଼ ଆରମ୍ଭ କରିଛି। ବଲାଙ୍ଗିର ଏସ୍ପିଙ୍କ ନିର୍ଦ୍ଦେଶରେ ଏଥିପାଇଁ ୫ଟି ଟିମ୍ ଗଠନ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
