କାହା ଜମିରେ ଠିଆ ହୋଇଛି କିସ୍‌ ଜଗନ୍ନାଥ ମନ୍ଦିର, ଅଚ୍ୟୁତଙ୍କୁ ମହାପ୍ରଭୁ ସାହା ହେବେ ତ?

<p>ଭୁବନେଶ୍ୱର:(ଓଡ଼ିଶା ରିପୋର୍ଟର) କିସ୍ ପ୍ରତିଷ୍ଠାତା ତଥା ବିଜେଡି ରାଜ୍ୟସଭା ପ୍ରାର୍ଥୀ ଅଚ୍ୟୁତ ସାମନ୍ତଙ୍କ ନାଁରେ ଗୁରୁତର ଅଭିଯୋଗ । ସେମାନଙ୍କ ଜମିକୁ କିସ୍ କର୍ତ୍ତୃପକ୍ଷ ବଳପୂର୍ବକ ମାଡି ବସିଥିବା ଅଭିଯୋଗ ନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ନିକଟରେ ଫେରାଦ ହୋଇଛନ୍ତି ରାଜଧାନୀର କିଛି ବରିଷ୍ଠ ନାଗରିକ। &nbsp;ଅଭିଯୋଗ ଦୃଷ୍ଟିରୁ ଅଚ୍ୟୁତଙ୍କ ନାମାଙ୍କନକୁ ନାକଚ କରିବା ପାଇଁ ସେମାନେ ଦାବି କରିଛନ୍ତି। ତେବେ ଏନେଇ ଅଚ୍ୟୁତ କିନ୍ତୁ ମୁହଁ ଖୋଲି ନାହାଁନ୍ତି ।</p> <p>କିସ୍&zwnj;ର ଦାଦାଗିରି ଆଗରେ ନିଜର ଅସହାୟତାକୁ କୋହଭରା କଣ୍ଠରେ ବୟାନ କରିଛନ୍ତି ରାଜଧାନୀର ବୟସ୍କା ମହିଳା ବିନ୍ଦୁ ଦାସ। &nbsp;ପ୍ଲଟ୍ ନମ୍ବର ୫୮୧/୧୭୫୧ ଭୁବନେଶ୍ୱର ପଥରଗାଡିଆ ମୌଜାରେ ଥିବା ଏହି ଜମିକୁ ୧୯୮୩ ମସିହାରେ କିଣିଥିଲେ ବିନ୍ଦୁଙ୍କ ସ୍ୱାମୀ ଜୀବନ କିଶୋର ଦାସ । ମାତ୍ର ସେଠି ଏବେ ଠିଆ ହୋଇଛି କିଟ୍ ଜଗନ୍ନାଥ ମନ୍ଦିର। ସ୍ୱାମୀଜମି ପାଇଁ ଲଢି ଲଢି ଆରପାରିକୁ ଚାଲିଗଲେ । ଆଉ ଏବେ ଅଧିକାର ପାଇଁ ସେ ଲଢୁଛନ୍ତି । &nbsp;ଏଭଳି ଲୋକଙ୍କୁ କିଭଳି ପୁରସ୍କୃତ କରାଯାଉଛି ବୋଲି ପ୍ରଶ୍ନ କରିଛନ୍ତି ବିନ୍ଦୁ। &nbsp;&nbsp;ତେବେ କେବଳ ବିନ୍ଦୁ ନୁହଁନ୍ତି&nbsp; ଖାତା ନମ୍ବର ୪୨୦, ୪୨୯ ଓ ୫୧୭ରେ ଥିବା ୩୨ରୁ ଅଧିକ ଲୋକଙ୍କ ଜମିକୁ କିସ୍ କବ୍&zwnj;ଜା କରିଥିବା ଅଭିଯୋଗ ହୋଇଛି । ଏନେଇ ଆଜି କିଛି ଜମି ମାଲିକ ବି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ଦ୍ୱାରସ୍ଥ ହୋଇଛନ୍ତି । ଅଚ୍ୟୁତଙ୍କ ରାଜ୍ୟସଭା ନାମାଙ୍କନକୁ ନାକଚ କରିବା ଲାଗି ସେମାନେ ଦାବି କରିଛନ୍ତି।</p> <p>ଅଭିଯୋଗକାରୀ ଦର୍ଶାଇିଛନ୍ତି ଯେ, ଭୁବନେଶ୍ୱର ତହସିଲ୍ ଅନ୍ତର୍ଗତ ପଥରଗାଡ଼ିଆରେ ସେମାନେ କିଣିଥିବା ଜମିକୁ କିସ୍ ଜବରଦଖଲ କରିବା ସହ ଆଉ କିଛି ଜମିକୁ ରାସ୍ତା ଛାଡୁନାହିଁ। ତା&rsquo;ସହ ସେମାନଙ୍କ ପାଚେରୀକୁ ବାରମ୍ବାର ଭାଙ୍ଗି ଦିଆଯାଉଛି। ସେହିପରି ଆଉ କିଛି ଲୋକଙ୍କ ଜମିକୁ କିସ୍ କର୍ତ୍ତୃପକ୍ଷ ଧମକଚମକ ଦେଇ ଶାଗମାଛ ଦରରେ ହାତେଇଥିବା ଅଭିଯୋଗ ମଧ୍ୟ ଆସୁଛି। ଜବରଦଖଲ ଜମିରେ ବେଆଇନ ଭାବେ ଖେଳପଡିଆ, ହଷ୍ଟେଲ, କଲ୍ୟାଣ ମଣ୍ଡପ ଓ ମନ୍ଦିର ନିର୍ମାଣ କରାଯାଇଥିବା ଅଭିଯୋଗ ହୋଇଛି।</p> <p>&amp;nbsp;</p> <p>&amp;nbsp;</p> <p>&amp;nbsp;</p>