ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କୋଣାର୍କ: କୋଣାର୍କ ସୂର୍ଯ୍ୟମନ୍ଦିର ସମ୍ପର୍କରେ ଜାଣିବାକୁ ଆଉ ଅସୁବିଧା ହେବନାହିଁ। ନିଜେ ଧର୍ମପଦ ସୂର୍ଯ୍ୟ ମନ୍ଦିରର ଇତିହାସ କହିବେ। ଦେଶ ବିଦେଶରୁ ଆସୁଥିବା ପର୍ଯ୍ୟଟକ ଅତି ସହଜରେ ସୂର୍ଯ୍ୟ ମନ୍ଦିର ଇତିହାସ ଜାଣିପାରିବେ। ୩ଟି ଭାଷାରେ ଏହା ପ୍ରସାରଣ କରାଯିବ। ଆଜି ଏହି ବ୍ୟବସ୍ଥାର ପରୀକ୍ଷାମୂଳକ ପରୀକ୍ଷଣ କରାଯାଇଛି।</p> <p>କୋଣାର୍କ ସୂର୍ଯ୍ୟମନ୍ଦିରରେ ଲାଇଟ୍‌ ଓ ସାଉଣ୍ଡ୍‌ ବ୍ୟବସ୍ଥାର ପରୀକ୍ଷାମୂଳ ଭାବେ ପରୀକ୍ଷା କରାଯାଇଛି। ଆଇଟିଡିସିର ଏମ୍‌ଡି ଅନିଲ କୁମାର ଗୁପ୍ତା, ବରିଷ୍ଠ ମ୍ୟାନେଜର ବି.ଏନ୍‌ ଶର୍ମା ଓ ପ୍ରତ୍ନତତ୍ତ୍ୱ ବିଭାଗ ଅଧିକାରୀଙ୍କ ଉପସ୍ଥିତିରେ ଏହି ବ୍ୟବସ୍ଥାର ପରୀକ୍ଷା କରାଯାଇଛି। ଏଥିପାଇଁ ୮ଟି ହାଇଡେଫିସେନ୍ସି ଲେଜର ପ୍ରୋଜେକ୍ଟର ବ୍ୟବହାର କରାଯାଇଛି। ଶବ୍ଦ ଓ ଆଲୋକ ମାଧ୍ୟମରେ ଏକ କାଳୀନ ୨୫୦ ଜଣ ପର୍ଯ୍ୟଟକ ପ୍ରତ୍ୟହ ଦୁଇ ଘଣ୍ଟା ଧରି କୋଣାର୍କର ଐତିହାସିକ ଶୁଣିପାରିବେ। ରାଜ୍ୟ ସରକାରଙ୍କ ପର୍ଯ୍ୟଟନ ବିଭାଗ ଏହି ପ୍ରକଳ୍ପ ପାଇଁ ଆଇଟିଡିସିକୁ ୪ କୋଟି ୫୦ ଲକ୍ଷ ଟଙ୍କା ଯୋଗାଇଦେଇଥିଲେ।</p> <p>ସୂର୍ଯ୍ୟମନ୍ଦିର ଇତିହାସ ଇଂରାଜୀ ଭାଷାରେ କବୀର ବେଦୀ, ହିନ୍ଦୀ ଭାଷାରେ ଶେଖର ସୁମନ ଓ ଓଡ଼ିଆ ଭାଷାରେ ସିନେ ଅଭିନେତା ବିଜୟ ମହାନ୍ତି ଶବ୍ଦ ଦେଇଛନ୍ତି। ପର୍ଯ୍ୟଟକମାନେ ଏକ ସମୟରେ ୩ଟି ଭାଷାରେ ୱାଇ ଫାଇ ଇଅର ଫୋନ୍‌ରେ ଏହି ଷ୍ଟୋରିର ଶବ୍ଦ ଶୁଣିପାରିବେ। ତେବେ ସୂର୍ଯ୍ୟମନ୍ଦିରରେ ଲାଇଟ୍‌ ଆଣ୍ଡ ସାଉଣ୍ଡ ପ୍ରକଳ୍ପର ପ୍ରାଥମିକ ପରୀକ୍ଷା ସଫଳ ହୋଇଛି। ଏହି ସୋ’ ପର୍ଯ୍ୟଟକମାନଙ୍କୁ କୋଣାର୍କକୁ ଆକର୍ଷିତ କରିପାରିବ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
