ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡିଶା ରିପୋର୍ଟର): କୁନ୍ଦୁଲି ମାମଲାରେ ବଡ଼ ଖୁଲାସା । ସାମ୍ନାକୁ ଆସିଛି ଚାଞ୍ଚଲ୍ୟକର ତଥ୍ୟ। କୁନ୍ଦୁଲି ପୀଡ଼ିତାଙ୍କ ଅନ୍ତବସ୍ତ୍ର ଯାଞ୍ଚରୁ ମିଳିଛି ୨ ଜଣଙ୍କର ସିମେନ୍ ନମୁନା । ରାଜ୍ୟ ଫୋରେନ୍ସିକ୍ ଲାବ୍ରୋଟାରୀର କେମିକାଲ୍ ଯାଞ୍ଚ ରିପୋର୍ଟରୁ ଏହା ସ୍ପଷ୍ଟ ହୋଇଛି। ତେବେ କ୍ରାଇମ୍‌ବ୍ରାଞ୍ଚ, NHRCରେ ଦାଖଲ କରିଥିବା ରିପୋର୍ଟରେ ପୀଡ଼ିତାଙ୍କ ବସ୍ତ୍ରରେ କୌଣସି ବାହ୍ୟ ବସ୍ତୁ ମିଳି ନ ଥିବା ଦର୍ଶାଯାଇଥିଲା। ଏବେ ଫୋରେନ୍ସିକ୍ ଲାବ୍ରୋଟାରୀର ରିପୋର୍ଟ ହସ୍ତଗତ ହେବା ପରେ କ୍ରାଇମବ୍ରାଞ୍ଚ ରିପୋର୍ଟର ସତ୍ୟତା ଉପରେ ପ୍ରଶ୍ନ ଚିହ୍ନ ଲଗିଛି।</p> <p>କୁନ୍ଦୁଲି ଘଟଣା ଚର୍ଚ୍ଚିତ ହୋଇପଡିବା ପରେ ପୀଡିତା ପିନ୍ଧିଥିବା ଅନ୍ତବସ୍ତ୍ରକୁ ଭୁବନେଶ୍ୱର ରସୁଲଗଡ଼ସ୍ଥିତ ରାଜ୍ୟ ଫୋରେନ୍ସିକ୍ ଲାବୋରେଟାରୀକୁ ପଠାଯାଇଥିଲା। ଯାହାର ରିପୋର୍ଟ ମିଳିବା ପରେ ଏଥିରେ ସ୍ପଷ୍ଟ ଭାବେ ଉଲ୍ଲେଖ ରହିଛି କି ଅନ୍ତବସ୍ତ୍ରରେ ଦୁଇ ଜଣଙ୍କ ସିମେନ୍ ନମୁନା ମିଳିଛି। ଜଣଙ୍କର ବ୍ଳଡ୍‌ଗ୍ରୁପ୍‌ A ଓ ଅନ୍ୟଜଣଙ୍କର B। ଅକ୍ଟୋବର ୧୭ ତାରିଖରେ ଏହି ରିପୋର୍ଟ ପ୍ରସ୍ତୁତ ହୋଇଥିଲା। ହେଲେ ଡିସେମ୍ବର ୧୪ ତାରିଖରେ କ୍ରାଇମବ୍ରାଞ୍ଚ NHRCକୁ ଦେଇଥିବା ରିପୋର୍ଟ ଉପରେ ପୀଡିତା ପିନ୍ଧିଥିବା ବସ୍ତ୍ର ନମୁନାରେ କୌଣସି ବାହ୍ୟବସ୍ତୁ ଲାଗି ନ ଥିବା ଫୋରେନ୍ସିକ୍ ଲାବ୍ ରିପୋର୍ଟ ଦେଇଛନ୍ତି ବୋଲି ଉଲ୍ଲେଖ ଥିଲା।</p> <p>ସୂଚନାଯାଗ୍ୟ, ଲାବ୍‌ରୁ ହସ୍ତଗତ ହୋଇଥିବା ରିପୋର୍ଟ ସଂପୂର୍ଣ୍ଣ ଠିକ୍ ବୋଲି କହିଛନ୍ତି ରାଜ୍ୟ ଫୋରେନ୍ସିକ୍ ଲ୍ୟାବ୍‌ ନିର୍ଦ୍ଦେଶକ। ସଂସ୍ଥା ଉପରେ କାହାରି ଚାପ ନ ଥିବା ସେ ସ୍ପଷ୍ଟ କରିଛନ୍ତି । ତେବେ କ୍ରାଇମବ୍ରାଞ୍ଚକୁ କେଉଁ ରିପୋର୍ଟ ଦିଆଯାଇଛି ତାହାର ଅନୁଧ୍ୟାନ କଲେ ଜଣାପଡ଼ିବ ବୋଲି ସେ କହିଛନ୍ତି।</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
