ବଞ୍ଚିଥିଲା ବେଳେ କ’ଣ କହିଥିଲେ କୁନ୍ଦୁଲି ପୀଡ଼ିତା , ଶୁଣନ୍ତୁ ତାଙ୍କ ମୁହଁରୁ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଶେଷରେ ଜୀବନ ହାରିଛନ୍ତି କୁନ୍ଦୁଲି ଦୁଷ୍କର୍ମ ପୀଡ଼ିତା । ଗଣ ଦୁଷ୍କର୍ମ ଘଟଣାର ୧୦୦ ଦିନ ପର୍ଯ୍ୟନ୍ତ ଜୀବନ ସଂଘର୍ଷ କରିବା ପରେ ସେ ରସି ଲଗାଇ ଆଜି ଆତ୍ମହତ୍ୟା କରିଛନ୍ତି। ପୋଲିସର ହେରଫେର ତଦନ୍ତ ରିପୋର୍ଟ, ରାଜ୍ୟ ସରକାରଙ୍କ ଉଦାସୀନତା ତଥା ସମାଜର ଲୋକ ଲଜ୍ଜାକୁ&nbsp; ଭୟ କରି&nbsp; ଆଜି ଶେଷ ରାସ୍ତା ବାଛିନେଇଛନ୍ତି କୁନ୍ଦୁଲି ପୀଡ଼ିତା। ତେବେ ବଞ୍ଚିଥିଲା ବେଳେ ସେ ଓଟିଭିକୁ ଏକ ସାକ୍ଷାତକାର ଦେଇଥିଲେ। ଘଟଣାକୁ ଚପାଇ ଦେବା ପାଇଁ &nbsp;ତାଙ୍କ ଉପରେ କେମିତି ଚାପ ପକାଯାଉଥିଲା ତାହା ସେ ଦର୍ଶାଇଛନ୍ତି। ତେବେ ବଞ୍ଚିଥିଲା ବେଳେ&nbsp; ସେ ଗଣମାଧମମକୁ କ&rsquo;ଣ କହିଥିଲେ ଜାଣନ୍ତୁ । ସାକ୍ଷାତକାର ବେଳେ କୁନ୍ଦୁଲି ପୀଡ଼ିତା ପୋଲିସ ଡିଜିପିଙ୍କ ନାମରେ ଅଭିଯୋଗ ଆଣିଥିଲେ। ମେଡ଼ିକାଲରେ ଚିକିତ୍ସାଧୀନ ଅବସ୍ଥାରେ ଟଙ୍କା ଯଚା ଯାଇଥିଲା। ପୁଣି ରାଜ୍ୟ ପୋଲିସ୍&zwnj; ମୁଖିଆ ବା ପୋଲିସ ଡିଜି ଏହି ଟଙ୍କା ଯାଚିଥିବା ସେ ଅଭିଯୋଗ କରିଥିଲେ।</p><p>ମାତ୍ର ପୀଡ଼ିତାଙ୍କ ଅଭିଯୋଗକୁ ସେତେବଳେ ପୋଲିସ ଡିଜି ରାଜେନ୍ଦ୍ର ପ୍ରସାଦ ଶର୍ମା ଖଣ୍ଡନ କରିଥିଲେ। ପୀଡ଼ିତା କହିଥିଲେ ଯେ, ମେଡ଼ିକାଲରେ ଚିକିତ୍ସା ସମୟରେ ପୋଲିସ ମୋତେ ନିର୍ଯାତନା ଦେଉଥିଲା। ଏପରିକି ଗାଳି ଦିଆଯାଇଛି। କାଉନ୍&zwnj;ସେଲିଂ ସମୟରେ ମଧ୍ୟ ନିର୍ଯାତନା ଦିଆଯାଉଥିଲା। ଘଣ୍ଟାଘଣ୍ଟା ଧରି ପଚରାଉଚରା କରାଯାଉଥିଲା। ମୁହଁ ବନ୍ଦ ରଖିବା ପାଇଁ କୁହାଯାଇଥିଲା। ଏଥିପାଇଁ ଏକ କାଗଜରେ ଦସ୍ତଖତ ଦେଇ ୯୦,୦୦୦ ଟଙ୍କା ଯଚା ଯାଇଥିଲା। ପରିବାର ଲୋକେ ଆସିଲେ ଦସ୍ତଖତ କରିବି ବୋଲି କହି ଟଙ୍କା ଫେରାଇ ଦେଇଥିଲି। ଏହି ଟଙ୍କା, ପୋଲିସ ଡିଜି ଦେଇଥିଲେ। ମୋତେ ନ୍ୟାୟ ଦରକାର ଟଙ୍କା ଦରକାର ନାହିଁ।&rdquo;</p><p>ସେ କହିଥିଲେ ଯେ, ଦୋଷୀ ଯିଏ ଖୋଲା ଆକାଶ ତଳେ ବୁଲୁଛି। ମାତ୍ର ବିନା ଦୋଷରେ ମୋର ସମ୍ପର୍କୀୟମାନଙ୍କୁ ଘନଘନ ଥାନାକୁ ଆଣି ଜେରା କରାଯାଉଛି। ଯେଉଁ ବ୍ୟକ୍ତିମାନେ ଏପରି ଜଘନ୍ୟ କାମ କରିଛନ୍ତି, ସେମାନଙ୍କ ମଧ୍ୟରୁ ଜଣକୁ ଚିହ୍ନିଛି। ମାତ୍ର ପୋଲିସ ମୋତେ ସେହି ସୁଯୋଗ ଦେଉନାହିଁ।&rdquo;</p><p>ପାଠ ପଢ଼ିବା ନେଇ ପୀଡ଼ିତା କହିଥିଲେ ଯେ, ଅଜଣା ସ୍କୁଲରେ ପାଠ ପଢ଼ିଲେ କେହି ଜାଣିପାରିବେ ନାହିଁ। ଏହା ସତ, ମାତ୍ର ସେଠାରେ ସମସ୍ତଙ୍କ ଆଗରେ ମୋର କିଛି ହୋଇନାହିଁ ବୋଲି ବାରମ୍ୱାର କୁହାଯାଉଥିଲା। ଯାହାଫଳରେ ସାଙ୍ଗ ସାଥୀମାନେ ବାରମ୍ୱାର କଣ ହୋଇଛି ବୋଲି ପଚାରୁଥିଲେ? କାହାକୁ କେତେ ଉତ୍ତର ଦେବି। ସେଥିପାଇଁ ସ୍କୁଲ ଯିବାକୁ ମନା କରିଦେଇଥିଲି।&rdquo;</p><p>ପୀଡ଼ିତାଙ୍କ ଏହି ଟଙ୍କା ବୟାନ ଅଭିଯୋଗର ଉତ୍ତର ରଖିଥିଲେ ଓଡ଼ିଶା ପୋଲିସ ଡିଜି ରାଜେନ୍ଦ୍ର ପ୍ରସାଦ ଶର୍ମା। ସେ କହିଥିଲେ ଯେ, ମୁଁ ପୀଡ଼ିତାଙ୍କୁ ଆଦୌ ଭେଟିନାହିଁ। ପୀଡ଼ିତା ଯାହା ଅଭିଯୋଗ କରିଛନ୍ତି, ତାହା ସଂପୂର୍ଣ୍ଣ ମିଛ।</p><p>ଏଠାରେ ସୂଚାଇଦେଉଛୁ ଯେ, ଯେହେତୁ ଏହା ଏକ ସମ୍ବେଦନଶୀଳ ପ୍ରସଙ୍ଗ ଏବଂ ଏହାର ପ୍ରଭାବ ତାଙ୍କ ପରିବାର ଉପରେ ପ୍ରଭାବ ପଡ଼ିବାର ଆଶଙ୍କା ରହିଥିବାରୁ ଏଠାରେ ଆମେ ତାଙ୍କ ମୁହଁକୁ ସମ୍ପୂର୍ଣ୍ଣ ରୂପେ ଦେଖାଉ ନାହିଁ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।