ଭୁବନେଶ୍ୱରରେ କଲରାପତରିଆ ବାଘ, ସିସିଟିଭିରେ କଏଦ୍‌

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଭୁବନେଶ୍ୱରରେ କଲରାପତରିଆ ବାଘର ଅପ୍ରତ୍ୟାଶିତ ଆବିର୍ଭାବ ସମସ୍ତଙ୍କୁ ଚକିତ କରିଦେଇଛି। ବାଘଟି ଏୟାରପୋର୍ଟ ପାଚେରୀ ଡେଇଁ ପଳାଶପଲ୍ଲୀ ଅଞ୍ଚଳରେ ପ୍ରବେଶ କରିଥିଲା। ବର୍ତ୍ତମାନ ବାଘଟି କେଉଁଠି ଅଛି, ତାହା ଜଣାପଡ଼ିନାହିଁ। ଏହି ଖବର ପ୍ରକାଶ ପାଇବା ପରେ ପଳାଶପଲ୍ଲୀ ଅଞ୍ଚଳରେ ଭୟର ବାତାବରଣ ଖେଳି ଯାଇଛି।</p> <p>ଗତକାଲି ରାତି ପ୍ରାୟ ୧୧ଟା ବେଳେ ଏୟାରପୋର୍ଟ ପାଚେରୀ ଡେଇଁ ଗୋଟିଏ କଲରାପତରିଆ ବାଘ ପଳାସପଲ୍ଲୀ ଅଞ୍ଚଳରେ ପ୍ରବେଶ କରିଥିଲା। ପରେ ବାଘଟି ରାସ୍ତା ଅତିକ୍ରମ କରି<br /> C-7/1 ପ୍ଲଟ୍&zwnj; ପରିସରରେ ଥିବା ଏକ ବେସରକାରୀ ଅଫିସ୍&zwnj; ଦୁଆର ମୁହଁରେ ବସିଥିଲା। ତା&rsquo;ପରେ ଚାରିଆଡ଼କୁ ଅନାଇ ବାଘଟି ଛାତ ଉପର ଦେଇ ପଳାଇ ଯାଇଥିଲା। ଏ ସବୁ ଦୃଶ୍ୟ ଦେଖି ସୁରକ୍ଷା କର୍ମୀ ଘର ମାଲିକଙ୍କୁ ଜଣାଇଥିଲେ। ପରେ ସିସିଟିଭି ଯାଞ୍ଚ କରିବାରୁ ପୂରା ଘଟଣା କ୍ୟାମେରାରେ କଏଦ ହୋଇଥିବା ଜଣାପଡ଼ିଥିଲା। ବାଘଟି ବର୍ତ୍ତମାନ କେଉଁଠି ରହିଛି, ତାହା ଜଣାପଡ଼ିନାହିଁ। </p> <p>ସୂଚନାରୁ ପ୍ରକାଶ, ଏୟାପୋର୍ଟ ଓ ପଳାଶପଲ୍ଲୀ ମଧ୍ୟରେ ଏକ ବିରାଟ୍&zwnj; ପଡ଼ିଆ ରହିଛି। ଏହି ଗଛରେ ପରିପୂର୍ଣ୍ଣ ଏହି ପଡ଼ିଆ ଜଙ୍ଗଲ ଭଳି ହୋଇଥିବାରୁ ବାଘଟି ସେହିଠାରେ ଲୁଚିଥିବା ଅନୁମାନ କରାଯାଉଛି।</p>