ଉମରକୋଟ: ବଜ୍ରପାତରେ ୩ ମୃତ

ଉମରକୋଟ: ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ରତାଖଣ୍ଡିଗୁଡ଼ା ଖଣ୍ଡିପଦର ସାପ୍ତାହିକ ହାଟରେ ବଜ୍ରପାତ ଘଟି ଆଜି ଜଣେ ମହିଳାଙ୍କ ସମେତ ୩ଜଣଙ୍କର ମୃତ୍ୟୁ ହୋଇଛି। ଏଥିରେ ଅନ୍ୟ ୩ ଜଣ ମହିଳା ଗୁରୁତର ଆହତ ହୋଇଛନ୍ତି। ମୃତ ବ୍ୟକ୍ତିମାନେ ହେଲେ ରାମ ଭଦ୍ରା, ଚଇତି ଭଦ୍ରା ଏବଂ ନିତାଇ ରାୟ। ଗୁରୁତରମାନଙ୍କୁ ଉମରକୋଟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି।

ଝରିଗାଁ  ବ୍ଲକ ଖଣ୍ଡିପଦରରେ ସାପ୍ତାହିକ ହାଟ ଚାଲିଥିଲା ବେଳେ  ହଠାତ୍ କାଳ ବୈଶାଖୀ ଝଡ଼ ଓ ବର୍ଷା ସାଙ୍ଗକୁ ବିଜୁଳି ମାରିଥିଲା।