ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
<p>ଭୁବନେଶ୍ୱର(ଓଡିଶା ରିପୋର୍ଟର): ପୁରା ଫିଲ୍ମି ଅନ୍ଦାଜ୍‌ର ଜୀବନ କାଟୁଥିଲେ ଏହି ଲୁଟେରାମାନେ। ନିଶା ସେବନ ଓ ବାରଗାର୍ଲଙ୍କ ପଛରେ ଟଙ୍କା ଉଡାଇବା ହେଉଛି ଏମାନଙ୍କ ସଉକ୍ । ଲୁଟ୍ ଟଙ୍କାରେ ସଂଧ୍ୟାକୁ ରଙ୍ଗୀନ କରୁଥିଲେ ଏହି ରଙ୍ଗିଲା ଲୁଟେରା । ଯେଉଁ ବାରଗାର୍ଲଙ୍କ ଡ୍ୟାନ୍ସ ଏମାନଙ୍କୁ ପସନ୍ଦ ଆସୁଥିଲା ତାଉପରେ ସିନେମା ଷ୍ଟାଇଲରେ ଟଙ୍କା ଉଡାଉ ଦେଉଥିଲେ ଏମାନେ । ପୋଲିସ ଜାଲରେ ଫସିବା ପରେ ଖୋଲିଛି ଏମାନଙ୍କ ରଙ୍ଗୀନ୍ ମିଜାଜ୍‌ର ଗୁମର।</p> <p>ପଳାସପଲ୍ଲିରୁ ଖଣ୍ଡଗିରି ହାଇେଓ୍ୱ ମଧ୍ୟରେ ନିଜ କାରାନାମା ଚଳାଇଥିଲା ଏହି ଲୁଟେରା ଗ୍ୟାଙ୍ଗ। ଜାଣିଲେ ଆଶ୍ଚର୍ଯ୍ୟ ହେବେ ଏହି ଗ୍ୟାଙ୍ଗର ରିଙ୍ଗ ଲିଡର ହେଉଛନ୍ତି ଜଣେ ନାବାଳକ। ଯିଏକି ସ୍ପିଡ୍ ବାଇକିଂରେ ଓସ୍ତାଦ୍ ।</p> <p>ଆଜି ଏହି ଘଟଣାରେ ଗିରଫ ହେବାପରେ ଲୁଟେରାଙ୍କଠାରୁ ପୋଲିସ ୪ଟି ସୁନା ଚେନ, ଗୋଟିଏ ହୀରା କାନଫୁଲ ଓ ୧୦ଟି ଦାମୀ ମୋବାଇଲ ଜବତ କରିଛି। ଏମାନଙ୍କ ନାଁରେ ଖଣ୍ଡଗିରି ଥାନାରେ ଏକାଧିକ ମାମଲା ରହିଛି ।</p> <p><span style="color: #ff0000;">କେମିତି କରୁଥିଲେ ଲୁଟ୍‌: </span>ପୋଲିସର ସୂଚନା ଅନୁସାରେ ଯୋଜନାବଦ୍ଧ ଭାବେ ଲୁଟ୍ କରୁଥିଲା ଏହି ଗ୍ୟାଙ୍ଗ । ନାବାଳକ ଜଣକ ଦ୍ରୁତ ଗତିରେ ବାଇକ୍ ଚଳାଉଥିଲେ। ମଝିରେ ବସିଥିବା ସହଯୋଗୀ ମୋବାଇଲ ଫୋନ ହେଉ କି ସୁନା ଚେନ୍, କିମ୍ବା ଅନ୍ୟ କିଛି ଦାମିକା ଜିନିଷ, ଆଖି ପିଛୁଳାକେ ଝାମ୍ପି ନେଉଥିଲେ। ପଛରେ ବସିଥିବା ଅନ୍ୟ ସହଯୋଗୀ ହାତରେ ଧରିଥିବା ଲୁହାରଡ୍‌ରେ ସଂପୃକ୍ତ ବ୍ୟକ୍ତିଙ୍କୁ ଆକ୍ରମଣ କରୁଥିଲେ।</p> <p><span style="color: #ff0000;">କେମିତି ପଡିଲେ ଧରା:</span>ପୋଲିସକୁ ବାରମ୍ବାର ଚକମା ଦେଇ ଖସିଯାଉଥିଲା ଏହି ଗ୍ୟାଙ୍ଗ। ଗତକାଲି ଦୁଇଟି ଚୋରା ଚେନକୁ ଗ୍ୟାଙ୍ଗର ଦୁଇ ସଦସ୍ୟ ବିକ୍ରି ପାଇଁ ବରମୁଣ୍ଡା ବସଷ୍ଟାଣ୍ଡକୁ ଆସିଥିଲା ବେଳେ ସୁରାକ୍ ପାଇଥିଲା ପୋଲିସ। ଆଉ ନେଣେଦେଣେ ଚାଲିଥିବା ବେଳେ ଚଢାଉ କରି ବଣିଆ ସମେତ ଲୁଟେରାଙ୍କୁ ଧରିଥିଲା ପୋଲିସ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।