ବାରିପଦା: ୧୩ ମାସ ପରେ ମା’ କୋଳକୁ ଫେରିଛି ଝିଅ । ବାରିପଦା ସହରର ୧୭ ନଂ ୱାର୍ଡରେ ଘଟିଛି ଏହି ଘଟଣା ।
୨୦୧୬ ଜୁନ୍ ୮ରେ ଜଣେ ମହିଳାଙ୍କ ୬ବର୍ଷର ଝିଅ ନିଖୋଜ ହୋଇଯାଇଥିଲା। ଶିଶୁକନ୍ୟାକୁ କେହି ଦୁର୍ବୃତ୍ତ ଚୋରି କରି ନେଇଥିବା ଟାଉନ ଥାନାରେ ଅଭିଯୋଗ ହୋଇଥିଲା। ଏନେଇ କିଛି ଦିନ ତଳେ ଓଟିଭିରେ ଖବର ପ୍ରସାରଣ ହେବାପରେ ପୋଲିସ୍ ତତ୍ପର ହୋଇଥିଲା। ଦୀର୍ଘ ୧୩ମାସ ପରେ ଝାଡ଼ଖଣ୍ଡର ଖରସୁଆଁ ଥାନା ସମରସାହିରେ ଶିଶୁକନ୍ୟାଟି ଥିବା ପୋଲିସ୍ ଖବର ପାଇଥିଲା। ଶେଷରେ ଝାଡ଼ଖଣ୍ଡ ପୋଲିସ୍ ସହାୟତାରେ ବାରିପଦା ପୋଲିସ୍ ଶିଶୁକନ୍ୟାକୁ ଉଦ୍ଧାର କରିଛି। ଏବେ ଶିଶୁକୁ ତା’ ମାଆଙ୍କୁ ହସ୍ତାନ୍ତର କରାଯାଇଛି। ଶିଶୁକନ୍ୟାକୁ ପାଇବା ପରେ ଭାବ ବିହ୍ୱଳ ହୋଇ ପଡ଼ିଥିଲେ ତାଙ୍କ ମାଅ।