ସାଲେପୁର: କଟକ କିଶୋରନଗର ନିକଟ ମହାନଦୀରେ ବୁଡି ନିଖୋଜ ଥିବା ଦୁଇ ଛାତ୍ରଙ୍କ ମୃତଦେହ ମିଳିଛି। ଆଜି ତିନିଜଣ ଛାତ୍ର ଗାଧଉଥିବାବେଳେ ଏମାନେ ଭାସି ଯାଇଥିଲେ । ସେମାନେଙ୍କ ମଧ୍ୟରୁ ଜଣଙ୍କୁ ସ୍ଥାନୀୟ ଲୋକେ ଉଦ୍ଧାର କରିଛନ୍ତି।
ଉଦ୍ଧାର ପାଇଥିବା ଛାତ୍ରଙ୍କର ନାମ ବିଶ୍ୱବିଜୟ ଦାସ। ମୃତମୁଖରେ ପଡିଥିବା ଦୁଇ ଛାତ୍ର ହେଲେ ସୌମ୍ୟ ରଞ୍ଜନ ସାହୁ ଓ ଅଭିଷେକ ବସ୍ତିଆ। ସମସ୍ତଙ୍କ ଘର କଟକରେ ବୋଲି ଜଣାପଡିଛି। କିଶୋରନଗର ଠାରେ ଅନୁଷ୍ଠିତ ଶନିଶ୍ଚର ମେଳାରେ ପାଣିଢାଳି ମହାନଦୀରେ ଗାଧୋଉଥିବାବେଳେ ଏମାନେ ଭାସିଯାଇଥିଲେ।
ଘଟଣାସ୍ଥଳରେ ଅଗ୍ନିଶମ କର୍ମଚାରୀ ପହଞ୍ଚି ନିଖୋଜ ଦୁଇ ଛାତ୍ରଙ୍କୁ ଉଦ୍ଧାର କରିବାକୁ ଉଦ୍ୟମ ଜାରି ରଖିଥିଲେ।