ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର/ପୁରୀ(ଓଡ଼ିଶା ରିପୋର୍ଟର):ଜନ୍ମଦିନରେ ମୃତ୍ୟୁର ଖେଳ। ମଉଜରୁ ମୃତ୍ୟୁ। ଅଡି- ବିଏମଡବ୍ଲ୍ୟୁ ରେସ୍ ପାଇଁ ଅକାଳରେ ଝଡ଼ିଗଲା ଜୀବନ। ପୁରୀ-କୋଣାର୍କ ମେରାଇନ୍ ଡ୍ରାଇଭ୍‌ରେ ଗତ ରାତିରେ ହୋଇଥିବା ଭୟଙ୍କର ଦୁର୍ଘଟଣା ପଛରେ ଚର୍ଚ୍ଚାକୁ ଆସିଛି ଏମିତି କିଛି ଲୋମଟାଙ୍କୁରା କାହାଣୀ। ଦୁର୍ଘଟଣାରେ ଜଣଙ୍କର ମୃତ୍ୟୁ ହେବା ସହ ଅନ୍ୟ ତିନିଜଣ ଗୁରୁତର ଆହତ ହୋଇଛନ୍ତି। ଦ୍ରୁତଗତିର ଭୟଙ୍କର ପରିଣାମ। ପୋଲିସ କହିବା ଅନୁଯାୟୀ ବେପରଓ୍ୱା ଓ ଅତ୍ୟନ୍ତ ଦ୍ରୁତଗତିରେ ଗାଡ଼ି ଚାଳନାରେ ଏସବୁ ଘଟିଗଲା।</p> <p>ଘଟଣାଟି ହେଉଛି ଅଡି ଓ ବିଏମଡବ୍ଲ୍ୟୁ ଭିତରେ ଚାଲିଲା ରେସ୍ । ବାଜି ପଡ଼ିଲା ଯିଏ କୋଣାର୍କ ଆଗେ ପହଞ୍ଚିବ ସିଏ ଦେବ ଟ୍ରିଟ୍ । ଘଣ୍ଟାପ୍ରତି ୨ଶହ କିଲୋମିଟର ସ୍ପିଡ୍‌ରେ ଦଉଡ଼ୁଥିଲା ବିଏମଡବ୍ଲ୍ୟୁ। ପଛରେ ରେସ୍ ଜିତିବାକୁ ଗୋଡୋଉଥିଲା ଅଡି। ଆଉ ଇଏ ସେଇ ସୌଦାର ଶେଷ ଫଳ। ହେଲେ ଆଶ୍ଚଯର୍ୟର କଥା ଉଦ୍ଧାର କାର୍ଯ୍ୟ ଚାଲିଥିଲା ବେଳେ ଘଟଣା ସ୍ଥଳରୁ ଅଡି ପାର ହୋଇଯାଇଥିଲା।</p> <p>ଭୁବନେଶ୍ୱରର କଳିଙ୍ଗକେଶରୀ ସାମନ୍ତରାୟ ନିଜ ଜନ୍ମଦିନ ମନାଇବାକୁ ବାନ୍ଧବୀ ଓ ଅନ୍ୟ ଦୁଇ ବନ୍ଧୁ ସୁମନ ପାତ୍ର ଓ ନନ୍ଦ କିଶୋର ମହାପାତ୍ରଙ୍କ ସହ ଗତକାଲି ରାତିରେ ପୁରୀ ରାସ୍ତା ଦେଇ କୋଣାର୍କ ଆସୁଥିଲେ ହେଲେ। ଦ୍ରୁତଗତି ପାଇଁ ଅଧାବାଟରେ ହେଲା ଦୁର୍ଘଟଣା। ରାମଚଣ୍ଡୀ ପୋଲିସ, କୋଣାର୍କ ଓ ପୁରୀରୁ ଅଗ୍ନିଶମ ବାହିନୀ ପହଞ୍ଚି ଗୁରୁତର ଆହତ ସମସ୍ତଙ୍କୁ ପୁରୀ ବଡ଼ ମେଡିକାଲ୍ ନେଇଥିଲେ। ହେଲେ ସେଠାରେ ନନ୍ଦକିଶୋରଙ୍କୁ ମୃତ ଘୋଷଣା କରିଥିଲେ ଡାକ୍ତର।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
