ମାଲକାନଗିରି: ମାଲକାନଗିରି ଜିଲ୍ଲାରେ ପୁଣି ଅଜଣା ରୋଗର ଆତଙ୍କ ଦେଖାଦେଇଛି । ଜିଲ୍ଲାର ପୁରୁଣା ଓରକେଲ ଗାଁରେ ଶିଶୁମାନଙ୍କୁ ପ୍ରଥମେ ଥଣ୍ଡା କାଶ ହେବା ସହ ଜ୍ୱର ଲାଗି ରହୁଛି । ଏବେ ଗାଁର ୩୦ରୁ ଅଧିକ ଶିଶୁ ଏଭଳି ଆକ୍ରନ୍ତ ହୋଇଥିବା ଅଭିଯୋଗ ହୋଇଛି । ଅଭିଯୋଗର ୫ ଦିନ ବାଲିମେଳା ଓ କୋରକେଣ୍ଡାରୁ ଦୁଇଟି ଡାକ୍ତରୀ ଦଳ ଗାଁକୁ ଯାଇ ଚିକିତ୍ସା ଆରମ୍ଭ କରିଛନ୍ତି । ଗତ ୫ବର୍ଷ ମଧ୍ୟରେ ଏପରି ଅଜଣା ରୋଗରେ ଆକ୍ରାନ୍ତ ହୋଇ ବହୁ ଶିଶୁଙ୍କର ଜୀବନ ଯାଇଛି । ସରକାରୀ ସୂଚନା ଅନୁସାରେ ଗତବର୍ଷ ଏହି ଗାଁରେ ୩ଜଣ ଓ ଆଖପାଖ ଅଞ୍ଚଳରୁ ମୋଟ ୧୧ଜଣ ଶିଶୁ ପ୍ରାଣ ହରାଇଥିଲେ । କେନ୍ଦ୍ର ଓ ରାଜ୍ୟର ସ୍ୱତନ୍ତ୍ର ଟିମ୍ ଆସି ରକ୍ତ ନମୁନା ନେଇ ଯାଞ୍ଚ କରିଥିଲେ । ଏପରି କି ସ୍ୱାସ୍ଥ୍ୟ ମନ୍ତ୍ରୀ ଓ ସଚିବ ମଧ୍ୟ ଏହି ଅଞ୍ଚଳ ଗ୍ରସ୍ତ କରିଥିଲେ। ତେବେ ଚଳିତବର୍ଷ ଠିକ ବର୍ଷାଋତୁ ଆରମ୍ଭରୁ ପୁଣି ଏପରି ଅଜଣା ରୋଗ ବ୍ୟାପିଥିବାରୁ ଲୋକଙ୍କ ମନରେ ଆତଙ୍କ ଖେଳିଯାଇଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
