ବାଲେଶ୍ୱର (ରଣଜୀତ୍ ପାକଳ): ବାଲେଶ୍ୱର ସଦର ଥାନା ଅନ୍ତର୍ଗତ ଓଡ଼ଙ୍ଗୀ ଗାଁରେ ଏକ ଲୋମ ଟାଙ୍କୁରା ଘଟଣା ଘଟିଛି। ଘରୋଇ କଳହରୁ ଜଣେ ବ୍ୟକ୍ତି ତା ସ୍ତ୍ରୀର ତଣ୍ଟି କାଟି ଦେଇଥିବା ଅଭିଯୋଗ ହୋଇଛି। ମୃତ ମହିଳାଙ୍କ ନାଁ ଅଞ୍ଜଳି ଦାସ।
ଅଞ୍ଜଳିଙ୍କୁ ତାଙ୍କ ଦିଅର ଗୁରୁତର ଅବସ୍ଥାରେ ବାଲେଶ୍ୱର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ତାଙ୍କ ଅବସ୍ଥା ସଙ୍କଟାପନ୍ନ ଥିବାରୁ ଡାକ୍ତର ତାଙ୍କୁ କଟକ ସ୍ଥାନାନ୍ତର କରାଯାଇଥିଲା। ତେବେ ବାଟରେ ତାଙ୍କର ମୃତ୍ୟୁ ଘଟିଥିଲା।
ପୁଲିସ୍ ଘଟଣାର ତଦନ୍ତ କରୁଛି। ଅଭିଯୁକ୍ତ ଅମୂଲ୍ୟ ଦାସଙ୍କୁ ପୁଲିସ୍ ସଦର ଥାନାରେ ଅଟକ ରଖିଛି।