ଉମରକୋଟ (କାର୍ତ୍ତିକ ମଲ୍ଲିକ): ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ୍ ଢେପଗୁଡ଼ା ଗାଁରେ ଚାଷ ଜମିକୁ ନେଇ ଏକ ହତ୍ୟାକାଣ୍ଡ ଘଟିଛି। ଏଥିରେ ଗାଁର ଚନ୍ଦନ ଜାନୀଙ୍କ ମୃତ୍ୟୁ ଘଟିଛି। ଗତକାଲି ପୁଲିସ୍ ଚନ୍ଦନଙ୍କ ମୃତଦେହ ଉଦ୍ଧାର କରିଛି।
ସୂଚନା ଅନୁସାରେ, ଚନ୍ଦନ ଜାନୀ ଓ ଅଭିଯୁକ୍ତ ଭୁବନ ଜାନୀ ସଂପର୍କୀୟ ଭାଇ। ତେବେ ଚାଷ ଜମିକୁ ନେଇ ସେମାନଙ୍କ ମଧ୍ୟରେ ଶତ୍ରୁତା ରହିଥିଲା। ସେମାନଙ୍କ ମଧ୍ୟରେ ଗଣ୍ଡଗୋଳ ବି ଲାଗି ରହୁଥିଲା।
ଗତ ୨୨ ତାରିଖରେ ଚନ୍ଦନକୁ ନିକଟସ୍ଥ ଜଙ୍ଗଲକୁ ଡାକି ନେଇ ଭୁବନ ଜାନୀ ଓ ତାଙ୍କର ତିନି ଜଣ ଶଳା ମିଶି ହତ୍ୟା କରିଥିଲେ। ଏହାପରେ ତାଙ୍କ ମୃତଦେହକୁ ପୋତି ଦେଇଥିଲେ।
ଏହି ଘଟଣାରେ ପୁଲିସ୍ ଭୁବନ ଜାନୀଙ୍କ ସମେତ ୪ ଜଣ ଅଭିଯୁକ୍ତଙ୍କୁ ଗିରଫ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
