ବିବାହ ପ୍ରସ୍ତାବକୁ ମନା କରିବାରୁ ଯୁବତୀଙ୍କୁ ଅପହରଣ; ଅଭିଯୁକ୍ତ ଗିରଫ

ନୟାଗଡ଼(ଓଡ଼ିଶା ରିପୋର୍ଟର): ନୟାଗଡ଼ ଜିଲ୍ଲା ରଣପୁରରେ ଯୁବତୀ ଅପହରଣ ଘଟଣାର ମୁଖ୍ୟ ଅଭିଯୁକ୍ତ ଗିରଫ। ସେହି ଗାଁର ଶାନ୍ତନୁ ବରାଡ଼କୁ ଭୁବନେଶ୍ୱରରୁ ଗିରଫ କରିଛି ରଣପୁର ପୋଲିସ।

ଅଭିଯୋଗ ଅନୁଯାୟୀ, ଦୁଇବର୍ଷ ତଳେ ଶାନ୍ତନୁ ଉକ୍ତ ଯୁବତୀଙ୍କୁ ବିବାହ ପ୍ରସ୍ତାବ ଦେଇଥିଲେ। କିନ୍ତୁ ଯୁବତୀ ଜଣକ ମନା କରିଦେଇଥିଲେ। ଗତ ୨୮ ତାରିଖରେ ଯୁବତୀ ଜଣକ ବସ୍‌ରେ ଭୁବନେଶ୍ୱର ଯାଉଥିବା ବେଳେ ଶାନ୍ତନୁ ତା’ର ୩ ସହଯୋଗୀଙ୍କ ସହ ତାଙ୍କୁ ଅପହରଣ କରି ପୁରୀ ନେଇ ଯାଇଥିଲେ। ସେଠାରେ ତାଙ୍କୁ ବାହା ହେବା ପାଇଁ ବାଧ୍ୟ କରିଥିଲେ।  ତେବେ ଯୁବତୀ ଜଣକ କୌଶଳ କ୍ରମେ ନିଜ ଭାଇଙ୍କୁ ଫୋନ କରି ଏ ସଂପର୍କରେ ଜଣାଇଥିଲେ।  ପରେ ରଣପୁର ପୋଲିସ ଭୁବନେଶ୍ୱରର ଏକ ଘରୁ ଯୁବତୀଙ୍କୁ ଉଦ୍ଧାର କରିବା ସହ ଶାନ୍ତନୁଙ୍କୁ ଗିରଫ କରିଛି।