ବାପାର ଠେଙ୍ଗା ମାଡ଼ରେ ପୁଅ ମୃତ

<p>ସୋର: ବାଲେଶ୍ୱର ଜିଲ୍ଲା ଔପଦା ବ୍ଳକ୍ ବଡ଼ପୋଖରୀ ଗାଁରେ ଏକ ଅଭାବନୀୟ ଘଟଣା ଘଟିଛି। ବାପାର ଠେଙ୍ଗା ମାଡ଼ରେ ପୁଅର ମୃତ୍ୟୁ ହୋଇଥିବା ଅଭିଯୋଗ &nbsp;ହୋଇଛି। ମୃତକ ହେଲେ ରାମ ସିଂଙ୍କ ପୁଅ ଜଙ୍ଗଲ।</p> <p>ଅଭିଯୋଗ ଅନୁଯାୟୀ ଜମିଜମାକୁ କେନ୍ଦ୍ରକରି ରାମ ସିଂ ଓ ତାଙ୍କ ପୁଅ ଜଙ୍ଗଲଙ୍କ ମଧ୍ୟରେ ବିବାଦ ରହିଥିଲା। ଗତକାଲି ସନ୍ଧ୍ୟାରେ ରାମ ସିଂ ଓ ତାଙ୍କର ମଝିଆଁ ପୁଅ ବଟା ମିଶି ଜଙ୍ଗଲକୁ ଠେଙ୍ଗାରେ ଆକ୍ରମଣ କରିଥିଲେ। ଗୁରୁତର ଅବସ୍ଥାରେ ଜଙ୍ଗଲକୁ ଗ୍ରାମବାସୀମାନେ ଉଦ୍ଧାର କରି ଔପଦା ଡାକ୍ତରଖାନାରେ ଭର୍ତ୍ତି କରିଥିଲେ।</p> <p>ହେଲେ ପରେ ଜଙ୍ଗଲଙ୍କ ସ୍ୱାସ୍ଥ୍ୟାବସ୍ଥା ଅଧିକ ଖରାପ ହେବାରୁ ସୋର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରିଥିଲେ। ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ।&nbsp; ଘଟଣାସ୍ଥଳରେ ନିଳିଗିରି ଏସଡିପିଓ ପହଞ୍ଚି ତଦନ୍ତ ଜାରି ରଖିଛନ୍ତି। &nbsp;ଔପଦା ଥାନାରେ ରାମ ସିଂ ଓ ବଟା ସିଂକୁ ପୋଲିସ ଅଟକ ରଖି ପଚରାଉଚରା କରୁଛି।</p>