ବରଗଡ଼(ଦୀପକ ଶର୍ମା): ବରଗଡ଼ ସଦର ଥାନା ଅନ୍ତର୍ଗତ ଧଉରାଗାଁରେ ଜଣେ ଯୁବକ ନିଜ କାକାର ୪ବର୍ଷ ପୁଅକୁ କୂଅରେ ଠେଲି ହତ୍ୟା କରିଥିବା ଅଭିଯୋଗ ହୋଇଛି। ମୃତକ ହେଲେ ଶୁକଦେବ ଦାମ।
ଅଭିଯୁକ୍ତ ଗୁରୁଦେବ ଦାମଙ୍କୁ ପୁଲିସ୍ ଅଟକ ରଖି ତଦନ୍ତ କରୁଛି।
ଗତକାଲି ସନ୍ଧ୍ୟାରେ ଗୁରୁଦେବ ଓ ଶୁକଦେବ ଶୌଚପାଇଁ ଯାଇଥିଲେ। ବିଳମ୍ବିତ ରାତି ପର୍ଯ୍ୟନ୍ତ ଶୁକଦେବ ଘରକୁ ଫେରି ନ ଥିଲେ।
ଏନେଇ ପରିବାର ଲୋକ ଖୋଜାଖୋଜି କରିଥିଲେ। ଆଜି ସକାଳେ ଶୁକଦେବଙ୍କ ମୃତଦେହ କୂଅରେ ଭାସୁଥିବା ଦେଖିବାକୁ ମିଳିଥିଲା।
ପୁଲିସ୍ ଘଟଣାସ୍ଥଳରେ ପହଞ୍ଚି ଅଗ୍ନିଶମ କର୍ମୀଚାରୀଙ୍କ ସହାୟତାରେ କୂଅରୁ ଶୁକଦେବର ମୃତଦେହ ଉଦ୍ଧାର କରିଛି ଓ ଶବ ବ୍ୟବଚ୍ଛେଦ ପାଇଁ ପଠାଇଛି।
ଜମିଜମାକୁ କେନ୍ଦ୍ର କରି ଦୁଇ ପରିବାର ମଧ୍ୟରେ ତିକ୍ତତା ଥିଲା ବୋଲି ପୁଲିସ୍ ପ୍ରାଥମିକ ତଦନ୍ତରୁ ଜାଣିପାରିଛି।
https://youtu.be/iWzYJQFGHlE