ଧୋଇଗଲା ଆପ୍ରୋଚ ରୋଡ ; ଜୁନାଗଡ଼-ଧର୍ମଗଡ଼ ଯାତାୟତ ଠପ୍‌

ଧର୍ମଗଡ଼(ଇଙ୍ଗିତ ପଣ୍ଡା): ଲଗାଣ ବର୍ଷା ଯୋଗୁ କଳାହାଣ୍ଡି ଜିଲ୍ଲା ଧର୍ମଗଡ଼ର ବଡ଼ବସୁଲ ନିକଟରେ ଧୋଇଗଲା ଆପ୍ରୋଚ ରୋଡ । ଫଳରେ  ଜାତୀୟ ରାଜପଥ-୧୩୦ (ସି)ରେ ଗମନାଗମନ ବନ୍ଦ ରହିଛି । ରାସ୍ତାର ଉଭୟ ପଟରେ ଶହ ଶହ ଗାଡ଼ି ଅଟକି ରହିଛି ।

କଳାହାଣ୍ଡି ଦେଇ ଯାଇଥିବା ୧୩୦(ସି) ଜାତୀୟ ରାଜପଥ ଉପରେ ବଡ଼ବସୁଲ ପାଖରେ ପୋଲ ନିର୍ମାଣ ଚାଲିଥିବାବେଳେ ଯାତାୟାତ ଲାଗି କଡ଼ରେ ଗୋଟିଏ ଆପ୍ରୋଚ ରୋଡ ହୋଇଥିଲା।  ତେବେ ଗତକାଲି ରାତ୍ରରୁ ପ୍ରବଳ ବର୍ଷା ଯୋଗୁଁ ଏହି ଆପ୍ରୋଚ ରୋଡଟି ଧୋଇଯାଇଛି । ଫଳରେ ଜୁନାଗଡ଼ ଓ ଧର୍ମଗଡ ମଧ୍ୟରେ ଗମନାଗମନ ଠପ୍ ହୋଇଛି । ଏହି ରାସ୍ତାରେ ଗାଡି ଚଳାଚଳକୁ ବନ୍ଦ କରିଛି ପ୍ରଶାସନ ।

ଗତ ୧୦ ଦିନ ତଳେ ଏହି ଅସ୍ଥାୟୀ ପୋଲ ଧୋଇ ହୋଇଯିବା ଫଳରେ ୫ ଦିନ ଯାତାୟାତ ଠପ୍ ଥିଲା । ଏହାପରେ ଉକ୍ତ ରାସ୍ତାକୁ ଯାତାୟତ ନିମନ୍ତେ ପ୍ରସ୍ତୁତ କରାଯାଇଥିବା ବେଳେ ପୁଣି ଥରେ ଗତକାଲି ରାତିରୁ ଧୋଇ ହୋଇଯାଇଛି ରାସ୍ତା। ଫଳରେ ବାହ୍ୟଜଗତ ସହ ଯୋଗାଯୋଗ ଏକପ୍ରକାର ବିଚ୍ଛିନ୍ନ ହୋଇଯାଇଥିବା ବେଳେ ଜରୁରୀକାଳୀନ ସେବା ବି ଠପ୍‌ ହୋଇଯାଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।