ଖପ୍ରାଖୋଲରେ ମାଓ ପୋଷ୍ଟର ଓ ବ୍ୟାନର

ପାଟଣାଗଡ଼: ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ଉଡ଼ଇାପାଲ୍ଲୀ ଗାଁରେ ମାଓ ପୋଷ୍ଟର ଓ ବ୍ୟାନର ମରାଯାଇଛି ।  ଗତ ସେପ୍ଟେମ୍ବର ୨୬ରେ ହୋଇଥିବା ବରଗଡ଼ ପାଇକମାଳ ସାଲେପାଲି ଜଙ୍ଗଲରେ ପୋଲିସ ସହ ହୋଇଥିବା ଗୁଳି ବିନିମୟ ଘଟଣାକୁ ଖଣ୍ଡନ କରିଛନ୍ତି ମାଓ ସଂଗଠନ। ଏହି ଗୁଳିବିନିମୟରେ ୨ ମାଓବାଦୀ ସଦସ୍ୟଙ୍କ ମୃତ୍ୟୁ ଘଟିଥିଲା। ଏହା ଗୁଳିବିନିମୟ ନୁହେଁ ବରଂ ହତ୍ୟା ଷଡ଼ଯନ୍ତ୍ର ବୋଲି ବ୍ୟାନରେ ମାଓବାଦୀଙ୍କ ପକ୍ଷରୁ କୁହାଯାଇଛି।

ମାନବାଧିକାର ସଂଗଠନ ଆଗରେ ମାଓବାଦୀଙ୍କ ମୃତଦେହର ପୁନଃ ବ୍ୟବଚ୍ଛେଦ କରିବାକୁ ଓ ମୃତଦେହକୁ ସେମାନଙ୍କ ପରିବାରକୁ ହସ୍ତାନ୍ତର କରିବାକୁ ଏଥିରେ ଦାବି କରାଯାଇଛି।  ଏଥିସହ ଏହି ଘଟଣାରେ ସାମିଲ କିଛି ପୋଲିସ ଓ ଅଧିକାରୀଙ୍କୁ ସଜା ଦେବାକୁ ପୋଷ୍ଟରେ ଉଲ୍ଲେଖ ରହିଛି।  ବିବିଏମ୍ ଡିଭିଜନାଲ୍ କମିଟି ପକ୍ଷରୁ ଏହି ବ୍ୟାନର୍ ଓ ପୋଷ୍ଟର୍ ଲାଗିଛି।