ପୁରୀ(ଓଡ଼ିଶା ରିପୋର୍ଟର): ନିଶା କାରବାର ରୋକିବାକୁ ପୁରୀ ପୁଲିସ ପକ୍ଷରୁ ଅଭିନବ ପଦକ୍ଷେପ। ଏଥିପାଇଁ ମହିଳାମାନଙ୍କ ସହଯୋଗ ଲୋଡାଯାଇଛି। ନିଶାମୁକ୍ତି ପାଇଁ ମହିଳାମାନେ ଏକତ୍ରିତ ହେଲେ ବେଆଇନ୍ କାରବାରକୁ ରୋକାଯାଇପାରିବ। ଏଥିପାଇଁ ଆରମ୍ଭ ହୋଇଛି ମାତୃଶକ୍ତି ଅଭିଯାନ।
ପୁରୀ ନରେନ୍ଦ୍ରକୋଣଠାରେ ମହିଳା ଶକ୍ତିକୁ ନେଇ କରାଯାଇଥିବା ସଚେତନତା ଶିବିରକୁ ପୁରୀ ଏସପି କେ.ବି. ସିଂଙ୍କ ଉଦଘାଟନ କରିଥିଲେ। ନିଶା କାରବାର ସମ୍ପର୍କରେ ମହିଳାମାନେ ଖବରଦେଲେ ପୁଲିସ ତୁରନ୍ତ ଆକ୍ସନ ନେବାକୁ ସମର୍ଥ ହେବ ବୋଲି ଏସ୍ପି କହିଛନ୍ତି। ମହିଳାମାନେ ଏକତ୍ର ହେଲେ ନିଶା କାରବାର ରୋକା ଯାଇପାରିବ ବୋଲି ସେ କହିଛନ୍ତି।
ଚଳିତବର୍ଷ ପୁରୀ ପୁଲିସ ପକ୍ଷରୁ ବିଭିନ୍ନ ସ୍ଥାନରେ ଚଢଉ କରି ୬କେଜି ୬୭୮ ଗ୍ରାମ ବ୍ରାଉନ ସୁଗାର ଓ ୬୨କେଜି ଗଂଜେଇ ଜବତ ହୋଇଛି। ଏଥିସହ ଏହି ମାମଲାରେ ୮୪ ଜଣଙ୍କୁ ଗିରଫ କରାଯାଇଛି। ୩୯ଟି କେସ୍ ମଧ୍ୟ ରୁଜୁ ହୋଇଛି। ତଥାପି ବ୍ରାଉନସୁଗାର କାରବାର ଓ ନିଶା ମାଫିଆଙ୍କୁ ରୋକିବାରେ ସମର୍ଥ ହୋଇପାରିନି ପୁଲିସ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
