ଖଟି ଖଟି ଟଙ୍କା ପାଇଁ ପାସବୁକ୍ ଚେକ୍ କରୁଛନ୍ତି , ହେଲେ ମିଳୁନି

ରାୟଗ଼ଡା/ସମ୍ବଲପୁର(ଓଡ଼ିଶା ରିପୋର୍ଟର) : ହାତରେ ଜବ୍‌କାର୍ଡ, ବ୍ୟାଙ୍କ ପାସବୁକ୍ । ମଜୁରୀ ଖଟି ଟଙ୍କା ଆସିବ ଆସିବ ବୋଲି ବର୍ଷେ ହେଲା ଚାହିଁ ବସିଛନ୍ତି। ପାସବୁକ୍ ଚେକ୍ କରୁଛନ୍ତି  । ହେଲେ ଟଙ୍କା  ମିଳିବାର ନାଁ ଗନ୍ଧ ନାହିଁ । ଗରିବ ଖଟିଖିଆଙ୍କ ପ୍ରାପ୍ୟକୁ ଚପେଇ ଯେମିତି ଭୂଆଁ ବୁଲେଇ ଚାଲିଛି ବ୍ୟବସ୍ଥା । ମନରେଗାରେ ମାଟି କାମ କରିଥିବା ସମ୍ବଲପୁର ମାନେଶ୍ୱର ବ୍ଲକ୍ ଖିଣ୍ଡା ଗାଁର ଏ ଶ୍ରମିକଙ୍କ କାହାଣୀ କିଛି ଏମିତି।  ୨୦୨୦ ମାର୍ଚ୍ଚରୁ […]

5gn

5gn

Tapas Behera
  • Published: Monday, 23 August 2021
  • Updated: 23 August 2021, 07:53 PM IST

Sports

Latest News

ରାୟଗ଼ଡା/ସମ୍ବଲପୁର(ଓଡ଼ିଶା ରିପୋର୍ଟର) : ହାତରେ ଜବ୍‌କାର୍ଡ, ବ୍ୟାଙ୍କ ପାସବୁକ୍ । ମଜୁରୀ ଖଟି ଟଙ୍କା ଆସିବ ଆସିବ ବୋଲି ବର୍ଷେ ହେଲା ଚାହିଁ ବସିଛନ୍ତି। ପାସବୁକ୍ ଚେକ୍ କରୁଛନ୍ତି  । ହେଲେ ଟଙ୍କା  ମିଳିବାର ନାଁ ଗନ୍ଧ ନାହିଁ । ଗରିବ ଖଟିଖିଆଙ୍କ ପ୍ରାପ୍ୟକୁ ଚପେଇ ଯେମିତି ଭୂଆଁ ବୁଲେଇ ଚାଲିଛି ବ୍ୟବସ୍ଥା । ମନରେଗାରେ ମାଟି କାମ କରିଥିବା ସମ୍ବଲପୁର ମାନେଶ୍ୱର ବ୍ଲକ୍ ଖିଣ୍ଡା ଗାଁର ଏ ଶ୍ରମିକଙ୍କ କାହାଣୀ କିଛି ଏମିତି।  ୨୦୨୦ ମାର୍ଚ୍ଚରୁ ଜୁନ୍ ୩ ମାସ କାଳ ଗାଁଠୁ ଦୂର  ଖେଳ ପଡ଼ିଆରେ ମାଟି କାମ କରିଥିଲେ ଏମାନେ। ସୂଚନାଫଳକ କହୁଛି ୫ ଲକ୍ଷ ଟଙ୍କାରେ ବିକଶିତ ହୋଇଛି ଖେଳ ପଡ଼ିଆ ।  ଶ୍ରମିକଙ୍କ ଅଭିଯୋଗ କାମ ଚାଲିଥିଲା ବେଳେ ଅଳ୍ପ କିଛି ଟଙ୍କା ମିଳିଥିଲା । ହେଲେ ସରିଗଲା ପରେ କାମ କରାଇଥିବା ଗ୍ରାମ ସାଥୀଠୁ ଆରମ୍ଭ କରି  ଜିଆରଏସ୍, ଜେଇ କେହି ବି ଧରା ଛୁଆଁ ଦେଉ ନାହାନ୍ତି  । ଶ୍ରମିକଙ୍କ ଜବ୍‌କାର୍ଡକୁ ବି ଠିକାଦାର ନେଇଯାଇଥିବାର ଅଭିଯୋଗ ବି ହୋଇଛି । ହେଲେ ଏନେଇ କେହି ବି ଅଧିକାରୀ ମୁହଁ ଖୋଲୁ ନଥିବା ବେଳେ ସମ୍ବଲପୁର ଏମ୍ଏନ୍ଆର୍ଜିଏସ୍ ଲୋକପାଳ କହିଛନ୍ତି ଅନିୟମିତତା ହୋଇଥିଲେ କାର୍ଯ୍ୟାନୁଷ୍ଠାନର ସୁପାରିଶ ହେବ।

ରାୟଗ଼ଡା ଜିଲ୍ଲା ସଦର ବ୍ଲକ୍ ଲେଲିବାଡ଼ି ଗାଁର ଶ୍ରମିକଙ୍କ ଅବସ୍ଥା ଓ ଅଭିଯୋଗ ତ ଆହୁରି ସାଂଘାତିକ । ମନରେଗାରେ ରାସ୍ତା କାମ କରିବାର ୫ ବର୍ଷ ପରେ ବି ଏମାନଙ୍କୁ କୁଆଡ଼େ କାଣୀ କଉଡ଼ିଟିଏ ମିଳିନି। ଅଭିଯୋଗ ଅନୁଯାୟୀ, ୨୦୧୫-୧୬ ଆର୍ଥିକ ବର୍ଷରେ ୫ ଲକ୍ଷ ଟଙ୍କା ବ୍ୟୟ ଅଟକଳରେ ଗାଁରେ ୯ ଶହ ମିଟରର ରାସ୍ତା କାମ ପାଇଁ ୫ ଜଣଙ୍କୁ ଶ୍ରମିକ ନେତା ଭାବେ ଚୟନ କରାଯାଇଥିଲା । ସେମାନେ ୬୦ରୁ ଅଧିକ ଶ୍ରମିକଙ୍କୁ ଲଗାଇ ରାସ୍ତା ତିଆରି କରାଇଥିଲେ । ହେଲେ କାମ ସରିବାର ୫ ବର୍ଷ ପରେ  ନା ମଜୁରୀ ଓ ସାମଗ୍ରୀ ବାବଦ ବିଲ୍ ମଂଜୁର ହେଉଛି, ନା ଶ୍ରମିକଙ୍କୁ ଟଙ୍କା ମିଳୁଛି । ଏପରିକି ବିଲ୍ ପାସ୍ ପାଇଁ ଲାଞ୍ଚ ଦିଆଯିବାର ଅଭିଯୋଗ ବି କରିଛନ୍ତି ଶ୍ରମିକ ନେତା । ସେପଟେ ପ୍ରକଳ୍ପ ନିର୍ଦ୍ଦେଶକଙ୍କ କହିବା କଥା ବିଡିଓଙ୍କୁ ଏନେଇ ତଦନ୍ତ ପାଇଁ କୁହାଯାଇଛି, ରିପୋର୍ଟ ଆସିବା ପରେ ପଦକ୍ଷେପ ନିଆଯିବ।

ସମସ୍ୟା ଯେଉଁଠି ଥାଉ ନା କାହିଁକି, ରକ୍ତ-ଝାଳ ବୁହାଇ କାମ କରିଥିବା ମେହନତୀ ମଣିଷଟି ତାର ପ୍ରାପ୍ୟ ପାଇଁ ବର୍ଷେ, ୫ ବର୍ଷ ଅପେକ୍ଷା କରିବ କାହିଁକି? କୋଭିଡ୍ କଷଣ ବେଳେ ସେମାନଙ୍କ ପିଲାଛୁଆ ଚଳୁଥିବେ କେମିତି? କିଏ ଏଥିପାଇଁ ଉତ୍ତରଦାୟୀ?

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos