ବାଲେଶ୍ୱର(ଓଡ଼ିଶା ରିପୋର୍ଟର): ବାହାର ରାଜ୍ୟରୁ ଫେରିଥିବାରୁ ଗାଁରେ ପୂରାଇ ଦେଲେନି ଗ୍ରାମବାସୀ। ସ୍କୁଲ କ୍ୱାରେଣ୍ଟାଇନ୍ ସେଣ୍ଟରରେ ବି ଜାଗା ମିଳିଲାନି । ଶେଷରେ ଶ୍ମଶାନରେ ରହିଲେ ୫ ପ୍ରବାସ ଫେରନ୍ତା । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ରେମୁଣା ଥାନା ଜୁଣୁଦା ଗାଁରେ ।
ଜୁଣୁଦା ଗାଁର ୫ ଜଣ ଉତ୍ତରପ୍ରଦେଶରୁ ଫେରିବା ପରେ ଗ୍ରାମବାସୀ ସେମାନଙ୍କୁ ଗାଁରେ ପୁରାଇ ଦେଇ ନ ଥିଲେ । ଏହାପରେ ସରପଞ୍ଚଙ୍କ ସହ ଯୋଗାଯୋଗ କରାଯାଇଥିଲା। ସରପଞ୍ଚ ନିଜ ପଞ୍ଚାୟତରେ ଥିବା କ୍ୱାରେଣ୍ଟାଇନ୍ ସେଣ୍ଟରରେ ନରଖି ସେମାନଙ୍କୁ ଅନ୍ୟ ପଞ୍ଚାୟତ କ୍ୱାରେଣ୍ଟାଇନ୍ ସେଣ୍ଟରରେ ରଖିବାକୁ ଚେଷ୍ଟା କରିଥିଲେ । ହେଲେ ତାହା ସମ୍ଭବ ହୋଇ ପାରିନଥିଲା ।
ଏନେଇ ସରପଞ୍ଚଙ୍କୁ ପଚାରିବାରୁ ସେ କହିଛନ୍ତି ବିଡ଼ିଓ କ୍ୱାରେଣ୍ଟାଇନ୍ ସେଣ୍ଟରକୁ ବନ୍ଦ କରିବାକୁ କହୁଛନ୍ତି। ସେଥିପାଇଁ ସେମାନଙ୍କୁ ରଖାଯାଇ ନାହିଁ । ସ୍ଥାନୀୟ ସେଣ୍ଟରରେ ଏହି ପ୍ରବାସୀମାନଙ୍କୁ ରଖାଯିବ। ନହେଲେ ଶେଷରେ ସେହି ପଞ୍ଚାୟତରେ ରଖିବା ପାଇଁ ଯୋଜନା କରୁଛୁ ବୋଲି ସେ ପ୍ରତିକ୍ରିୟା ଦେଇଛନ୍ତି । ଫଳରେ ଗତକାଲିଠାରୁ ଉକ୍ତ ୫ ପ୍ରବାସୀ ଶ୍ରମିକ ଶ୍ମଶାନରେ ରହିଛନ୍ତି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
