ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
<p>ପାରାଦୀପ(ଓଡ଼ିଶା ରିପୋର୍ଟର): ପାରାଦୀପ ନୂଆଗାଁରେ ବୋମାମାଡ଼ ହୋଇଛି। ନୂଆଗାଁର ତମିଲ ପ୍ରଧାନଙ୍କ ଘର ଉପରକୁ କିଛି ଦୁର୍ବୃତ୍ତ ବୋମାମାଡ଼ କରି ଫେରାର ହୋଇଯାଇଛନ୍ତି। ବୋମାମାଡ଼ରେ କେହି ମୃତାହତ ହୋଇ ନାହାନ୍ତି। ତେବେ ତମିଲଙ୍କ ଘରର କାନ୍ଥ ଓ କବାଟ କ୍ଷତିଗ୍ରସ୍ତ ହୋଇଛି। କାଜୁ ଜଙ୍ଗଲ ଟେଣ୍ଡର ବିବାଦକୁ କେନ୍ଦ୍ର କରି ଏହି ବୋମାମାଡ଼ ହୋଇଥିବା ସନ୍ଦେହ କରାଯାଉଛି।</p> <p>ଗତକାଲି ସ୍ଥାନୀୟ ଅଞ୍ଚଳରେ ଏକ କାଜୁ ଜଙ୍ଗଲ ଟେଣ୍ଡରକୁ ନେଇ ଉତ୍ତେଜନା ପ୍ରକାଶ ପାଇଥିଲା। ତେବେ ପୋଲିସ ସୁରକ୍ଷାରେ ଗ୍ରାମ୍ୟ କମିଟି ପକ୍ଷରୁ ଟେଣ୍ଡର ପକାଯାଇଥିଲା। ବୋମାମାଡ଼ ଘଟଣା ପଛରେ ଏହି କାରଣ ଥାଇପାରେ ବୋଲି ଅନୁମାନ କରାଯାଉଛି। ପୋଲିସ ଗାଁରେ ପହଞ୍ଚି ଘଟଣାସ୍ଥଳରୁ ଆଉ ଏକ ଅଫୁଟା ବୋମା ଜବତ କରିଛି ଓ ଘଟଣାର ତଦନ୍ତ କରୁଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।