ଖଲ୍ଲିକୋଟ( ସିଲୁ ବିଶ୍ୱାଳ): ପାରିବାରିକ କଳହ ଉଗ୍ର ରୂପ ନେଇ ଉଜାଡ଼ିଦେଲା ସଂସାର । ମା’ ଓ ମୁକ ପୁଅଙ୍କ ମଧ୍ୟରେ ଲାଗିଥିବା କଳହ ଯୋଗୁ ଶେଷରେ ଉଭୟ ବିଷ ଦେଲେ । ମା’ ଜୀବନ ହାରିଥିବା ବେଳେ ମୃତ୍ୟୁ ସହ ସଂଗ୍ରାମ କରୁଛି ପୁଅ। ଏପରି ଅଭାବନୀୟ ଘଟଣା ଗଂଜାମ ଜିଲ୍ଲା ରମ୍ଭା ଥାନା ବୋରିଗାଁରେ ଘଟିଛି । ମୃତା ମହିଳା ହେଲା କମା ପଳେଇ । ତାଙ୍କ ପୁଅ ସନ୍ତୋଷ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି।
ସନ୍ତୋଷ ଜନ୍ମରୁ କଥା କହିପାରନ୍ତି ନାହିଁ । କିଛି ମାସ ତଳେ ତାଙ୍କର ବାହାଘର ହୋଇଥିଲା। ସନ୍ତୋଷ କଥା କହିପାରନ୍ତି ନାହିଁ ବୋଲି ଜାଣିବା ପରେ ତାଙ୍କ ସ୍ତ୍ରୀ ବାପଘରକୁ ପଳାଇ ଯାଇଛନ୍ତି । ଏହାପରେ ସନ୍ତୋଷ ସ୍ତ୍ରୀ ପାଖକୁ ଯିବା ଆସିବା କରୁଥିଲେ। ଏହାକୁ ନେଇ ମା’ ପୁଅ ମଧ୍ୟରେ ବିଭିନ୍ନ ସମୟରେ ଯୁକ୍ତିତର୍କ ହେଉଥିଲା । ଗତକାଲି ତାହା ଉଗ୍ରରୂପ ନେବା ପରେ ଉଭୟ ବିଷ ପିଇ ଦେଇଥିଲେ ।
ପରିବାର ଲୋକେ ଉଭୟଙ୍କ ଗୁରୁତର ଅବସ୍ଥାରେ ହସ୍ପିଟାଲ ନେଇଥିଲେ। ମେଡିକାଲରେ ମା’ର ମୃତ୍ୟୁ ହୋଇଛି । ପୁଲିସ ମୃତଦେହ ଜବତ କରି ତଦନ୍ତ କରୁଛି । ସନ୍ତୋଷଙ୍କ ଅବସ୍ଥା ସଙ୍କଟାପନ୍ନ ଥିବା ଚିକିତ୍ସା କରୁଥିବା ଡାକ୍ତର କହିଛନ୍ତି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
