ବାହାଘର ଦିନ ବୀଭତ୍ସକାଣ୍ଡ: ଯୁବତୀଙ୍କୁ ଏକତରଫା ପ୍ରେମରୁ ଚାଲିଗଲା ଯୁବକଙ୍କ ଜୀବନ

<p>ରାଉରକେଲା: (ଓଡ଼ିଶା ରିପୋର୍ଟର):ଏକତରଫା ପ୍ରେମର କରୁଣ ପରିଣତି। ବାହାଘର ଦିନ ଘଟିଲା ବୀଭତ୍ସକାଣ୍ଡ। &nbsp;ଏପଟେ ବାହାଘରର ସାହାନାଇ ବାଜୁଥିଲା ଆଉ ସେପଟେ ମାଡ଼ ଖାଇ ଚିତ୍କାର କରୁଥିଲା ପ୍ରେମିକ। ଯୁବତୀଙ୍କ&nbsp; ଅନ୍ୟତ୍ର ବିବାହ ହେଉଥିବା ଜାଣି ଯୁବକ ଜଣକ ତାଙ୍କ ଘରକୁ ଆସିଥିବା ବେଳେ ହତ୍ୟାକାଣ୍ଡରେ ଶିକାର ହୋଇଛନ୍ତି।&nbsp; ଏମିତି ଏକ ଚାଞ୍ଚଲ୍ୟକର ଘଟଣା ଘଟିଛି ରାଉରକେଲା କୁଆରମୁଣ୍ଡା ବ୍ଲକର ଜଗଦିଶପୁର ଗାଁରେ।</p> <p>ଉକ୍ତ ଗାଁର &nbsp;ଅର୍ବିସ ଏକ୍କା ନାମକ ଯୁବକଙ୍କୁ ପିଟି ପିଟି ହତ୍ୟା କରାଯାଥିବା ଅଭିଯୋଗ ହୋଇଛି। &nbsp;ଗତ କିଛି ଦିନ ତଳେ ଅର୍ବିସ୍ &nbsp;ଜଗଦିଶପୁର ଗାଁର ଜଣେ ଯୁବତୀଙ୍କୁ ପ୍ରେମ ନିବେଦନ କରିଥିଲୋ ଏଥିରେ କିନ୍ତୁ ଯୁବତୀ ଜଣକ ରାଜି ହୋଇ ନ ଥିଲେ। ଏନେଇ ଯୁବତୀଙ୍କ ପରିବାର ଲୋକେ ପୂର୍ବରୁ ଅର୍ବିସଙ୍କୁ ମାଡ଼ ମଧ୍ୟ ମାରିଥିଲୋ। &nbsp;ତେବେ ଗତକାଲି ରାତିରେ ଯୁବତୀଙ୍କ ବିବାହ ହେଉଥିଲା। ବିବାହ ଖବର ପାଇ ଅର୍ବିସ୍ ତାଙ୍କ ଘରେ ଯାଇ ପହଞ୍ଚିଥିଲେ। ଏପରିକି ସେଠାରେ &nbsp;&nbsp;ଗଣ୍ଡଗୋଳ ପରିସ୍ଥିତି ସୃଷ୍ଟି ହୋଇଥିଲା। &nbsp;ଏଥିରେ ଉତକ୍ଷିପ୍ତ ହୋଇ ଯୁବତୀଙ୍କ ପରିବାର ଲୋକେ ତାଙ୍କୁ ହତ୍ୟା କରିଥିବା ଅଭିଯୋଗ ହୋଇଛି।</p> <p>କୁଆରମୁଣ୍ଡା ଥାନା ପୋଲିସ ଘଟଣାର ଛାନଭିନ୍ ଆରମ୍ଭ କରିଛି। ଏକ ତରଫା ପ୍ରେମ କରି ଅର୍ବିସଙ୍କୁକୁ ନିଜ ଜୀବନ ହାରିବାକୁ ପଡ଼ିଲା। କୁହାଯାଏ ପ୍ରେମ ଉଦାର, ଶାଶ୍ୱତ। ହେଲେ ଏହି ପ୍ରେମ ଯେବେ ପ୍ରତିଶୋଧର ରୂପ ନିଏ ତା&rsquo;ର ପରିଣତି ଅତି ଭୟଙ୍କର ହୋଇଥାଏ।&nbsp; ଆଉ ଆଜିର ରାଉରକେଲା ଘଟଣା ଏହାର ଏକ ଉଦାହରଣ।</p>