ଭୁବନେଶ୍ୱର (ଓଡ଼ିଶା ରିପୋର୍ଟର): ଗୋଟିଏ ପରେ ଗୋଟିଏ ବାଣ ମାରି ରାଜ୍ୟ ସରକାରଙ୍କୁ ଘାଇଲା କରୁଥିବା ବିଜେଡିର ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ଡାକ୍ତର ଦାମୋଦର ରାଉତଙ୍କୁ ବିରୋଧୀ ଦଳ ନେତା ନରସିଂହ ମିଶ୍ର ଏକ ପରାମର୍ଶ ଦେଇଛନ୍ତି।
ସେ କହିଛନ୍ତି-“ଦାମବାବୁଙ୍କ ଭଳି ନେତା ଏନେଇ ବିଧାନସଭାରେ ଆଲୋଚନା କଲେ ଖୁସି ହେବି। ମାତ୍ର ବାହାରେ କହିଲେ କିଛି ଲାଭ ନାହିଁ। ସେ ଯେଉଁ ଦୁର୍ନୀତି କଥା କହୁଛନ୍ତି, ତାହାର ତଦନ୍ତ ହୋଇ ପାରିବ ନାହିଁ। ଅଭିଯୋଗ ପାଇନୁ ବୋଲି ପୁଲିସ କହିବ। ଯଦି ଦାମବାବୁ ଗୃହରେ କୁହନ୍ତେ, ତାହା ହେଲେ ଲିପିବଦ୍ଧ ହୋଇ ରୁହନ୍ତା। ପୁଲିସ ମାମଲା ରୁଜୁ କରି ତଦନ୍ତ କରିବା ପାଇଁ ବାଧ୍ୟ ହୁଅନ୍ତା।”
ସେ କହିଛନ୍ତି-“ସମବାୟ ବିଭାଗ ଦୁର୍ନୀତିର ଗନ୍ତାଘର। ସୋସାଇଟିରୁ ଆରମ୍ଭ କରି ଉପର ପର୍ଯ୍ୟନ୍ତ ସବୁ ଜାଗାରୁ ଦୁର୍ନୀତିର ଗନ୍ଧ ଆସୁଛି। ଧାନକିଣା, ବୀମା ଟଙ୍କା ପ୍ରଦାନ, ବ୍ୟାଙ୍କରୁ ଋଣ ନେବା ଓ ଋଣ ପରିଶୋଧ କରିବାରେ ମଧ୍ୟ ଦୁର୍ନୀତି ହେଉଛି। ଏହାର ବ୍ୟାପକ ତଦନ୍ତ ହେବାର ଆବଶ୍ୟକତା ରହିଛି।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
