ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଜାତୀୟ ରାଜନୀତିରେ ପ୍ରବେଶ କରିପାରନ୍ତି ନବୀନ ପଟ୍ଟନାୟକ। ଏହାକୁ ନେଇ ଏବେ ଚର୍ଚ୍ଚା ଜୋର ଧରିଛି। ୪ ଥର ମୁଖ୍ୟମନ୍ତ୍ରୀ ହେବା ପରେ ନବୀନଙ୍କ ଏଭଳି କିଛି ଯୋଜନା ଅଛି କି ନାହିଁ ତାକୁ ନେଇ ଆରମ୍ଭ ହୋଇଛି ଚର୍ଚ୍ଚା। ଗତକାଲି ବିଜୁ ବାବୁଙ୍କ ଉପରେ ବହି ଉନ୍ମୋଚନ ଆଳରେ ଜାତୀୟସ୍ତରର ହେଭିୱେଟ୍‌ ନେତାଙ୍କୁ ଗୋଟିଏ ମଞ୍ଚରେ ଏକାଠି କରିବା ପରେ ଏଭଳି କଳ୍ପଜଳ୍ପନା ପ୍ରକାଶ ପାଇଛି। ନବୀନଙ୍କ ଏହି ପରିବର୍ତ୍ତିତ ରଣନୀତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପାଇଁ ଚ୍ୟାଲେଂଜ ହୋଇପାରେ ବୋଲି ଚର୍ଚ୍ଚା ହେଉଛି।</p> <p>ପୂର୍ବତନ ପ୍ରଧାନମନ୍ତ୍ରୀ ଏଚ୍.ଡି. ଦେବଗୌଡ଼ାଙ୍କ ମନ୍ତବ୍ୟ ପରେ ଏବେ ଚର୍ଚ୍ଚା ହେଉଛି, ବିଜୁବାବୁଙ୍କ ଭଳି ନବୀନ ପଟ୍ଟନାୟକ ବି ଜାତୀୟ ରାଜନୀତିରେ କିଙ୍ଗମେକର୍ ଭୂମିକା ନେବାକୁ ଚାହୁଁଛନ୍ତି। ଆଡ଼ଭାନୀ, ପ୍ରଣବ ମୁଖାର୍ଜୀ, ଦେବେଗୌଡ଼ା ଓ ସୀତାରାମ ୟେଚୁରୀଙ୍କୁ ଗୋଟିଏ ମଞ୍ଚରେ ଏକାଠି କରିବା ପରେ ବିଜୁବାବୁଙ୍କ ଭଳି ନବୀନଙ୍କର ଜାତୀୟ ରାଜନୀତିରେ ପାଦ ଥାପିବାକୁ ଅଭିପ୍ରାୟ ରହିଛି କି ? ବିଜେପି ଓ କଂଗ୍ରେସ୍‌ଠାରୁ ସମଦୂରତା ଫର୍ମୁଲାକୁ ପରିବର୍ତ୍ତନ କରି ଥାର୍ଡଫ୍ରଣ୍ଟ ଗଠନ ଲାଗି ସାନି ପ୍ରୟାସ କରିବେ କି ନବୀନ ? ଆଗରୁ ଜାତୀୟସ୍ତର ଟାଣୁଆ ନେତା ଦେବଗୌଡ଼, ଚନ୍ଦ୍ରଶେଖର, ଓମ୍‌ପ୍ରକାଶ ଚୌତାଲା, ଏନ୍‌ଟି ରାମାରାଓ, ଏମ୍‌ଜି ରାମଚନ୍ଦ୍ରନ ଓ କରୁଣାନିଧିଙ୍କ ସହ ବିଜୁ ବାବୁଙ୍କର ଘନିଷ୍ଠ ସଂପର୍କ ଥିଲା। ନବୀନ ବି ସେଇ ନ୍ୟାୟରେ ପୁରୁଣା ସହଯୋଗୀଙ୍କୁ ନେଇ ନିଜ ପତିଆରା ବଢାଇବାକୁ ଚାହୁଁଛନ୍ତି କି ? ଏପରି ପ୍ରଶ୍ନ ଏବେ ଉଠିବାରେ ଲାଗିଛି। ଆଦର୍ଶ ମୁଖ୍ୟମନ୍ତ୍ରୀ ପୁରସ୍କାର ଓ ଏହା ପୂର୍ବରୁ ଦିଲ୍ଲୀରେ ଶ୍ରେଷ୍ଠ ପ୍ରଶାସକ ପୁରସ୍କାର ପାଇବା ଭଳି କାର୍ଯ୍ୟକ୍ରମରୁ ଏଭଳି କିଛି ଆଭାଷ ମିଳୁଛି।</p> <p>ହେଲେ ଏପରି ଚର୍ଚ୍ଚା ଭିତରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଏହା ମୁଙ୍ଗେରିଲାଲର ହସିନ୍ ସ୍ୱପ୍ନ।</p> <p>ସେହିପରି ବିରୋଧୀ ଦଳ ନେତା ନରସିଂହ ମିଶ୍ର କହିଛନ୍ତି ଓଡିଶା ଛାଡି ନବୀନ କୁଆଡେ ଯିବେ ନାହିଁ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
