ସରକାରୀ ନିର୍ଦ୍ଦେଶକୁ ଏସ୍‌ସିବି କର୍ତ୍ତୃପକ୍ଷଙ୍କ ବେଖାତିର, ଟଙ୍କା ଦେଇ ଗଙ୍ଗା-ଯମୁନାଙ୍କ ରକ୍ତ ପରୀକ୍ଷା କଲେ ବାପା

<p>ନୟାଗଡ଼: ନୟାଗଡ଼ର ଯୋଡ଼ା ପେଟ ଶିଶୁ ଗଙ୍ଗା-ଯମୁନାଙ୍କ କଟକ ଶିଶୁଭବନରେ ଚିକିତ୍ସା ଚାଲିଛି। ଏହି ଦୁଇ ପିଲାଙ୍କର ସମସ୍ତ ଚିକିତ୍ସା ଖର୍ଚ୍ଚ ରାଜ୍ୟ ସରକାର ବହନ କରିବେ ବୋଲି ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନା ଘୋଷଣା କରିସାରିଛନ୍ତି। ହେଲେ ସରକାରଙ୍କ ଏହି ଘୋଷଣାକୁ ଏସ୍&zwnj;ସିବି କର୍ତ୍ତୃପକ୍ଷ ଭୃକ୍ଷେପ କରୁ ନଥିବା ଅଭିଯୋଗ ଆସିଛି। ଏପରି ଅଭିଯୋଗ ଗଙ୍ଗା-ଯମୁନାଙ୍କ ବାପା ଆଣିଛନ୍ତି।</p> <p>ସରକାର ମାଗଣା ଚିକିତ୍ସା କଥା କହୁଥିବା ବେଳେ ଗଙ୍ଗା-ଯମୁନାଙ୍କ ବାପା ଅଶୋକ ଦତ୍ତ ଟଙ୍କା ଦେଇ ଦୁଇ ଶିଶୁଙ୍କ ରକ୍ତ ପରୀକ୍ଷା କରିଥିବା ଅଭିଯୋଗ କରିଛନ୍ତି।</p> <p>ଅଶୋକ କହିଛନ୍ତି- &ldquo;ରକ୍ତ ପରୀକ୍ଷା ପାଇଁ ସାମ୍ପୁଲ ନେଇ ଏସ୍&zwnj;ସିବି ମେଡିକାଲକୁ ଯାଇଥିଲି। ସାଙ୍ଗରେ ମାଗଣା ପରୀକ୍ଷା ପାଇଁ ଚିଠା ମଧ୍ୟ ନେଇଥିଲି। ହେଲେ ସେଠାରେ କାର୍ଯ୍ୟରତ କର୍ମଚାରୀ ୮୫୦ଟଙ୍କା ନ ଦେଲେ ରକ୍ତ ପରୀକ୍ଷା ହୋଇପାରିବ ନାହିଁ ବୋଲି ରୋକ୍&zwnj;ଠୋକ୍&zwnj; କହିଥିଲେ। ଚିଠା ଦେଖାଇବା ପରେ ମଧ୍ୟ ସେ କିଛି ଶୁଣି ନଥିଲେ। ଶେଷରେ ଟଙ୍କା ଦେବା ପରେ ହିଁ ରକ୍ତ ପରୀକ୍ଷା କରାଯାଇଥିଲା।&rdquo;</p> <p>ସୂଚନାଯୋଗ୍ୟ, &nbsp;ନୟାଗଡ଼ର ଏକ ଘରୋଇ ହସ୍ପିଟାଲ୍&zwnj;ରେ ଜନ୍ମ ନେଇଥିଲେ ଯୋଡ଼ା ପେଟ ଶିଶୁକନ୍ୟା ଗଙ୍ଗା-ଯମୁନା।&nbsp; ଉଭୟଙ୍କ ପେଟ ଓ ଛାତି ଯୋଡ଼ି ହୋଇ ରହିଛି। ଜନ୍ମ ହେବା ପରେ ଦୁହିଁଙ୍କୁ କଟକ ଶିଶୁଭବନ ସ୍ଥାନାନ୍ତର କରାଯାଇଥିଲା।</p>