ଯୋଡା ଶିଶୁକନ୍ୟାଙ୍କ ପାଇଁ ଆଶା ଉଦୟ, ସେପଟେ ଏମ୍ସରେ ଚାଲିଲା ଜଗା, ଦେଖନ୍ତୁ ଭିଡିଓ  

<p>ଭୁବନେଶ୍ୱର/କଟକ(ଓଡ଼ିଶା ରିପୋର୍ଟର):କଟକ ଶିଶୁଭବନରେ ଚିକିତ୍ସିତ ନୟାଗଡ଼ର ଯୋଡ଼ାପେଟ ଶିଶୁ ଗଙ୍ଗା-ଯମୁନାଙ୍କୁ ନେଇ&nbsp; ଚର୍ଚ୍ଚା। ଦୁଇ ନବଜାତକଙ୍କୁ ଆଜି ଆଇସିୟୁକୁ ନିନାଯିବା ସହ ବିଭିନ୍ନ ପରୀକ୍ଷା କରାଯାଇଛି।&nbsp; ଡାକ୍ତରଙ୍କ ବିଶ୍ୱାସ ଜଗା-କାଳିଆଙ୍କ ଭଳି ଏ ଦୁହିଁଙ୍କୁ ବି ଅଲଗା କରିହେବ। ସେପଟେ ଆଜି&nbsp; ଏମ୍ସରୁ ଆସିଛି ଓ୍ୱାକର ସହାୟତାରେ ଜଗା ଚାଲୁଥିବାର ଖବର।</p> <p>ନିଜ ବଳରେ ନହେଲେ ନାଇଁ ଓ୍ୱାକର&nbsp; ସାହାଯ୍ୟରେ ଆଗକୁ ବଢୁଛି ସେ । ସେପଟେ ଭାଇ କାଳିଆ ବି ସୁସ୍ଥ ହେଉଛି। &nbsp;ଆଉ ଏପଟେ କଟକ ଶିଶୁ ଭବନରେ ଚିକିତ୍ସା ବିଜ୍ଞାନର ଆଉ ଏକ ଚମତ୍କାର ଅପେକ୍ଷାରେ&nbsp; ନୟାଗଡ଼ର ଦୁଇ କଅଁଳ ଶିଶୁ କନ୍ୟା ଗଙ୍ଗା-ଯମୁନା। &nbsp;ଦୁଇ ଭଉଣୀଙ୍କ ସୁସ୍ଥ ମନାସୀ&nbsp; ନୟାଗଡ଼ରେ ପୂଜାର୍ଚ୍ଚନା ବି ଚାଲିଛି। &nbsp;ଡାକ୍ତରଙ୍କ ମତରେ ପେଟଯୋଡ଼ା ଏ ଶିଶୁଙ୍କ&nbsp; ଦେହରେ ବି ଅସ୍ତ୍ରୋପଚାର ସମ୍ଭବ। &nbsp;ତା ବି ଖୁବ୍ ଆହ୍ୱାନ ଭରା।</p> <p>ଜଟିଳ କାରଣ ଏପର୍ଯ୍ୟନ୍ତ&nbsp; ଜଣାପଡ଼ିନି। &nbsp;ଏ ଦୁଇ ଶିଶୁଙ୍କ ପେଟ ସହ ଶରୀର ଭିତରର ଅନ୍ୟ କେଉଁ ଅଂଗ ଯୋଡ଼ି&nbsp; ହୋଇଛି ଡାକ୍ତର ସନ୍ଦେହ କରୁଛନ୍ତି। &nbsp;ହୁଏତ ଦୁହିଁଙ୍କ ହୃତପିଣ୍ଡ ଓ ଖାଦ୍ୟନଳୀ ଯୋଡ଼ି&nbsp; ହୋଇଥାଇ ପାରେ। &nbsp;ତେଣୁ ଚାଲିଛି ପରୀକ୍ଷା ନୀରିକ୍ଷା। &nbsp;ଆଜି ସିଟି ସ୍କାନ୍ ଓ ଅଲ୍&zwnj;ଟ୍ରା ସାଉଣ୍ଡ ପରେ ଉଭୟଙ୍କୁ ଆଇସିୟୁକୁ ସ୍ଥାନାନ୍ତର କରାଯାଇଛି। &nbsp;ଆଗକୁ ଅନେକ ପରୀକ୍ଷା କରାଯିବ। &nbsp;&nbsp;ରିପୋର୍ଟ ଆସିବା ପରେ ଯାହା କିଛି ସ୍ପଷ୍ଟ ହେବ ବୋଲି ଶିଶୁ ଭବନ ଅଧୀକ୍ଷକ ଡାକ୍ତର ସରୋଜ ଶତପଥୀ କହିଛନ୍ତି। ଅନ୍ୟପଟେ ଜଗା-କାଳିଆଙ୍କ ଭଳି ଗଙ୍ଗା-ଯମୁନାଙ୍କ ସମସ୍ତ ଉଚ୍ଚତର ଚିକିତ୍ସାଭାର ବହନ&nbsp; କରିବାକୁ ଭରସା ଦେଇଛନ୍ତି ସରକାର । ତେଣୁ ବାପା ଅଶୋକ ଦତ୍ତ ବି ଆଶାବାଦୀ ସବୁ&nbsp; କିଛି ଭଲ ହେବ। ଶିଶୁଭବନରେ ପୂର୍ବରୁ ୨୦୦୩ରେ ଏକ ଯୋଡ଼ାପେଟ ଶିଶୁଙ୍କ ସଫଳ&nbsp; ଅସ୍ତ୍ରୋପଚାର ହୋଇଥିଲା। &nbsp;ତେଣୁ ଗଙ୍ଗା-ଯମୁନା ବି ଅଲଗା ହୋଇ ନୂଆ &nbsp;ଜୀବନ ଜିଇଁବେ। &nbsp;&nbsp;ସେଇ ଆଶାରେ ସମସ୍ତଙ୍କ ଅପେକ୍ଷା।</p>