ନବୀନଙ୍କୁ ଭେଟିଲେ ରୀତା; ମୁଖ୍ୟମନ୍ତ୍ରୀ ତାଙ୍କୁ କ’ଣ ପରାମର୍ଶ ଦେଲେ ଶୁଣନ୍ତୁ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବିଜେପୁରର ନବ ନିର୍ବାଚିତ ବିଧାୟିକା ରୀତା ସାହୁ ଆଜି ଭୁବନେଶ୍ୱର ଆସି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସାକ୍ଷାତ କରିଥିଲେ। ସେ ନବୀନ ନିବାସରେ ମୁଖ୍ୟମନ୍ତ୍ରୀଙ୍କୁ ସାକ୍ଷାତ କରିଥିଲେ। ମୁଖ୍ୟମନ୍ତ୍ରୀଙ୍କୁ ସାକ୍ଷାତ କରିବା ପରେ ରୀତା କହିଛନ୍ତି ଯେ ସେ ତାଙ୍କର ଆଶୀର୍ବାଦ ନେବାକୁ ଆସିଥିଲେ। ବିଜେପୁର ଅଞ୍ଚଳରେ ପାନୀୟ ଜଳ ଓ କୃଷିର ଉନ୍ନତି ପାଇଁ କାର୍ଯ୍ୟ କରିବେ ବୋଲି ସେ କହିଛନ୍ତି। ଭଲ କାମ କରିବା ପାଇଁ ମୁଖ୍ୟମନ୍ତ୍ରୀ ତାଙ୍କୁ ପରାମର୍ଶ ଦେଇଥିବା ରୀତା କହିଛନ୍ତି।</p> <p>ସୂଚନାଯୋଗ୍ୟ, ବିଜେପୁର ଉପ ନିର୍ବାଚନ ପାଁ ଗତ ୨୪ ତାରିଖରେ ଭୋଟ୍ ଗ୍ରହଣ ହୋଇଥିବା ବେଳେ ଗତକାଲି ଫଳାଫଳ ଘୋଷଣା କରାଯାଇଥିଲା। ବିଜେଡି ଟିକେଟ୍&zwnj;ରେ ଏହି ଉପ ନିର୍ବାଚନ ଲଢ଼ିଥିବା ରୀତା ୧,୦୨,୮୭୨ ଖଣ୍ଡ ଭୋଟ୍ ପାଇଥିଲେ। ସେ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ତଥା ବିଜେପି ପ୍ରାର୍ଥୀ ଅଶୋକ ପାଣିଗ୍ରାହୀଙ୍କୁ ୪୧,୯୩୩ ଭୋଟ୍&zwnj;ରେ ପରାସ୍ତ କରିଥିଲେ। ଅଶୋକ ପାଣିଗ୍ରାହୀ ୬୦,୯୩୮ ଖଣ୍ଡ ଭୋଟ୍ ପାଇଥିଲେ। ଅନ୍ୟପକ୍ଷରେ କଂଗ୍ରେସ ପ୍ରାର୍ଥୀ ପ୍ରଣୟ ସାହୁ ମାତ୍ର ୧୦,୨୭୪ ଭୋଟ୍ ପାଇଥିଲେ।</p> <p>ସୁବଳ ସାହୁଙ୍କ ମୃତ୍ୟୁ ପରେ ଏହି ଆସନଟି ଖାଲି ରହିଥିଲା। ସୁବଳ କଂଗ୍ରେସ ଟିକେଟ୍&zwnj;ରେ ଏଠାରୁ ନିର୍ବାଚିତ ହୋଇଥିଲେ। ତାଙ୍କ ମୃତ୍ୟୁ ପରେ ପତ୍ନୀ ରୀତା ସମର୍ଥକଙ୍କ ସହ ବିଜେଡିରେ ଯୋଗ ଦେଇ ନିର୍ବାଚନରେ ଛିଡ଼ା ହୋଇଥିଲେ।</p> <p>ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିବା ପରେ ରୀତା କ&rsquo;ଣ ସବୁ କହିଛନ୍ତି ଶୁଣନ୍ତୁ:</p>