ଭୁବନେଶ୍ୱର (ଓଡ଼ିଶା ରିପୋର୍ଟର): ପଛୁଆ ଜିଲ୍ଲା ହୋଇ ମଧ୍ୟ ବିକାଶ ପ୍ରକ୍ରିୟାରେ ଅଧିକ ସଫଳତା ହାସଲ କରିଥିବା ଦେଶର ୫ଟି ପ୍ରଗତିଶୀଳ ଜିଲ୍ଲାଙ୍କ ମଧ୍ୟରେ ସ୍ଥାନ ପାଇଛି ଓଡ଼ିଶାର ନୂଆପଡ଼ା ଏବଂ କୋରାପୁଟ। ନୀତି ଆୟୋଗ ଦ୍ୱାରା ପ୍ରସ୍ତୁତ ଏହି ତାଲିକାରେ ଓଡ଼ିଶାର ନୂଆପଡ଼ା ଦ୍ୱିତୀୟସ୍ଥାନରେ ଅଛି।
https://twitter.com/NITIAayog/status/1078218883792805888
ଉତ୍ତରପ୍ରଦେଶର ସିଦ୍ଧାର୍ଥନଗର, ଜମ୍ମୁ କଶ୍ମୀରର କୁପ୍ୱାରା ଓ ଜାମୁଇ ଆଦି ଜିଲ୍ଲା ଉଲ୍ଲେଖନୀୟ ପ୍ରଦର୍ଶନ କରିଛନ୍ତି। ୨୦୧୮ ଜାନୁଆରୀ ୫ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ପରିକଳ୍ପିତ ଏହି କାର୍ଯ୍ୟକ୍ରମରେ ପ୍ରଗତିରେ ପଛରେ ପଡ଼ିଯାଇଥିବା ଜିଲ୍ଲାମାନଙ୍କୁ ବିଶେଷ ଗୁରୁତ୍ୱ ଦେବାପାଇଁ ଆରମ୍ଭ କରାଯାଇଥିଲା।
ଏହି କ୍ରମରେ ପ୍ରଥମ ତାଲିକା ଗତ ଜୁନ୍ ମାସରେ ଆସିଥିଲା। ଏହି ତାଲିକାରେ ଶିକ୍ଷା କ୍ଷେତ୍ରରେ ମାଲକାନଗିରି ସବୁଠାରୁ ପଛୁଆ ଜିଲ୍ଲା ଭାବରେ ପରିଗଣିତ ହୋଇଛି। କିନ୍ତୁ ନୂଆପଡ଼ା ଏଥିରେ ଦ୍ୱିତୀୟ ସ୍ଥାନରେ ଅଛି। ଏଥିରେ ତାମିଲନାଡ଼ୁର ବିରୁଧନଗର ଶ୍ରେଷ୍ଠ ଏବଂ ଝାରଖଣ୍ଡର ଗୁମ୍ଲା ତୃତୀୟ ସ୍ଥାନରେ ଅଛି।