ଆଠଗଡ଼ (ନୀଳକଣ୍ଠ ଦୋରା): କଟକ ଜିଲ୍ଲା ତିଗିରିଆ ବ୍ଲକର ନୂଆପାଟଣା ଅଞ୍ଚଳକୁ ୨୪ ଘଣ୍ଟିଆ ଶଟ୍ଡାଉନ ଘୋଷଣା କରାଯାଇଛି। ଗତକାଲି ରାତିରୁ ଜିଲ୍ଲା ପ୍ରଶାସନ ଏହି ଅଞ୍ଚଳକୁ ଶଟ୍ଡାଉନ ଘୋଷଣା କରିଛି।
ଶଟ୍ଡାଉନ ସମୟରେ କେବଳ ଜରୁରୀକାଳୀନ ସେବା ଜାରି ରହିବ। ଡାକ୍ତରଖାନା ଓ ମେଡିସିନ ଷ୍ଟୋର ଖୋଲା ରହିବ। ହେଲେ ଅନ୍ୟ ସବୁ ସେବା ବନ୍ଦ ରହିବ। ସେହିପରି ଲୋକମାନଙ୍କୁ ଘରୁ ନ ବାହାରିବା ପାଇଁ କୁହାଯାଇଛି।
ଆଜି ସକାଳେ ସାନିଟାଇଜ ଟିମ୍ ଓ ଅଗ୍ନିଶମ ବିଭାଗର କର୍ମଚାରୀମାନେ ତିଗିରିଆ, ନୂଆପାଟଣା, ନୂଆସଡକ ,ପାଞ୍ଚଗାଁ ବିନ୍ଧାଣିମା, ଜମାଦେଇପୁର ଓ ଅଚଳକୋଟ ଅଞ୍ଚଳକୁ ସାନିଟାଇଜ କରିଛନ୍ତି।
ସୂଚନାଯୋଗ୍ୟ, ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୪୩୭ରେ ପହଞ୍ଚିଥିବା ବେଳେ ତିଗିରିଆ ଅଞ୍ଚଳରୁ ଦୁଇ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।