ସରକାରଙ୍କ ନାଲି ଆଖିକୁ ଡରିଲେନି: ନର୍ସିଂ ଛାତ୍ରଙ୍କୁ ଘେରିଲେ ନର୍ସ  

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ସ୍ଥାୟୀ ନିଯୁକ୍ତି ଦାବିରେ ଦୀର୍ଘ ସପ୍ତାହେ ଧରି ନର୍ସମାନେ ଆନ୍ଦୋଳନ କରୁଛନ୍ତି। ଯାହାଦ୍ୱାରା ମେଡିକାଲରେ ରୋଗୀସେବା ପ୍ରଭାବିତ ହୋଇଛି। ସ୍ଥିତିର ମୁକାବିଲା ପାଇଁ ଆଜି ବଡ଼ ମେଡ଼ିକାଲ୍ ଗୁଡ଼ିକରେ ନର୍ସିଂ ଛାତ୍ରୀଙ୍କୁ ନିଯୁକ୍ତ କରିଛନ୍ତି ସରକାର। ତେବେ ଆନ୍ଦୋଳନକାରୀ ନର୍ସ, ସେମାନଙ୍କୁ ଛାଡ଼ି ନଥିଲେ। ସେପଟେ ୨୪ ଘଣ୍ଟା ଭିତରେ କାର୍ଯ୍ୟରେ ଯୋଗନଦେଲେ ଚୁକ୍ତି ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯିବ ବୋଲି ଚେତାବନୀ ଶୁଣାଇଛନ୍ତି ଏନ୍ଏଚ୍ଏମ୍ ପରିଚାଳନା ନିର୍ଦ୍ଦେଶିକା।</p><p>ଗୋଟିଏ ପଟେ ଏନ୍&zwnj;ଏଚ୍&zwnj;ଏମ୍&zwnj;ର ଠିକା ନର୍ସ, ଅନ୍ୟପଟେ ରାଜ୍ୟ ସରକାରଙ୍କ ଦ୍ୱାରା ନିଯୁକ୍ତ ଠିକା ନର୍ସ ଜିଦ୍&zwnj;ରେ ଅଟଳ। ପ୍ରଥମେ ଦାବି ପୂରଣ ହେଉ, ତାପରେ ରୋଗୀସେବା। ଏଭଳି ଚେତାବନୀ ଦେଇ କାର୍ଯ୍ୟବନ୍ଦ ଆନ୍ଦୋଳନ ଜାରି ରଖିଛନ୍ତି ନର୍ସିଂ କର୍ମଚାରୀ। କଟକ, ବ୍ରହ୍ମପୁର ଓ ବୁର୍ଲାସ୍ଥିତ ୩ ବଡ଼ ମେଡ଼ିକାଲ ସମେତ ଅନ୍ୟାନ୍ୟ ସରକାରୀ ମେଡ଼ିକାଲରେ ଠିକା ନର୍ସଙ୍କ କାର୍ଯ୍ୟବନ୍ଦ ଯୋଗୁଁ ପ୍ରଭାବିତ ହୋଇଛି ରୋଗୀସେବା। କଟକ ଶିଶୁଭବନରେ ରୋଗୀସେବା ପ୍ରଭାବିତ ହେବାରୁ ଆଜି ଏସ୍&zwnj;ସିବି ନର୍ସିଂ ଛାତ୍ରୀଙ୍କୁ ନିଯୁକ୍ତି ଦେଇଥିଲେ ରାଜ୍ୟ ସରକାର। କିନ୍ତୁ ଆନ୍ଦୋଳନରତ ଠିକା ନର୍ସମାନେ ତାଙ୍କୁ ଦୀର୍ଘ ସମୟ ଧରି ଘେରାବନ୍ଦୀ କରି ରଖିବା ସହ ଶିଶୁଭବନ ଭିତରକୁ ଛାଡ଼ିନଥିଲେ। ଏମ୍&zwnj;କେସିଜିରେ ମଧ୍ୟ ନର୍ସିଂ ଛାତ୍ରୀଙ୍କୁ ନିଯୁକ୍ତ କରାଯାଇଥିବା ସୂଚନା ଦେଇଛନ୍ତି କଲେଜ ଅଧିକ୍ଷକ।</p><p>&lt;a href=&quot;&quot;&gt;(image) &lt;/a&gt;ଏମ୍&zwnj;କେସିଜି ମେଡିକାଲ୍ କଲେଜ ଅଧ୍ୟକ୍ଷ ପ୍ରଫେସର ଚରଣ ପଣ୍ଡା କହିଛନ୍ତି-&ldquo;ନିର୍ସିଂ କର୍ମଚାରୀଙ୍କ ଆନ୍ଦୋଳର ପ୍ରଭାବ ରୋଗ ଉପରେ ପଡ଼ିବାକୁ ଦିଆଯିବ ନାହିଁ। ସେଥିପାଇଁ ବିକଳ୍ପ ବ୍ୟବସ୍ଥା ଗ୍ରହଣ କରାଯାଇଛି। ନିର୍ସିଂ ଛାତ୍ରୀମାନଙ୍କୁ ନିୟୋଜିତ କରାଯାଇଛି।&rdquo;</p><p>ଏପଟେ ଏନ୍&zwnj;ଏଚ୍&zwnj;ଏମ୍&zwnj; ଅଧୀନରେ କାର୍ଯ୍ୟରତ ଠିକା ନର୍ସଙ୍କୁ ୨୪ ଘଣ୍ଟାର ମହଲତ ଦିଆଯାଇଛି। ଏହା ଭିତରେ କାର୍ଯ୍ୟରେ ଯୋଗନଦେଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଚେତାବନୀ ଶୁଣାଇଛନ୍ତି ଏନ୍ଏଚଏମ୍&zwnj; ପରିଚାଳନା ନିର୍ଦ୍ଦେଶିକା ଶାଳିନୀ ପଣ୍ଡିତ। କିନ୍ତୁ ସରକାରଙ୍କ ଏଭଳି ଚରମ ନିଷ୍ପତ୍ତିକୁ ଖାତିର୍ କରିନାହଁନ୍ତି ଭୁବନେଶ୍ୱରରେ ଆନ୍ଦୋଳନରତ ଏନ୍ଏଚ୍ଏମ୍ ନର୍ସ। ଗତ ୬ ଦିନ ହେଲାଣି ସ୍ଥାୟୀ ନିଯୁକ୍ତି ଓ ଗ୍ରେଡ୍ ପେ ବୃଦ୍ଧି ଆଦି ପ୍ରମୁଖ ଦାବି କରି ଲୋୟର ପିଏମ୍&zwnj;ଜିରେ ଧାରଣାରେ ବସିଛନ୍ତି ଏମାନେ। ଲିଖିତ ପ୍ରତିଶ୍ରୁତି ନମିଳିବା ଯାଏଁ ଆନ୍ଦୋଳନରୁ ହଟିବୁନି ବୋଲି ପାଲଟା ଚେତାବନୀ ଶୁଣାଇଛନ୍ତି।</p><p>https://youtu.be/lIStPQvfD80</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।