ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜ୍ୟ ପାଇଁ ଆଉ ଏକ ଲଜ୍ଜା। ଖୋଲାରେ ମଳତ୍ୟାଗ ମୁକ୍ତ ରାଜ୍ୟ ତାଲିକାରେ ଦେଶରେ ତଳ ଆଡ଼ୁ ଦ୍ୱିତୀୟ ସ୍ଥାନରେ ରହିଛି ଓଡ଼ିଶା। ଅର୍ଥନୈତିକ ସର୍ଭେ ରିପୋର୍ଟ ଅନୁସାରେ ଗୋଆ ତାଲିକାର ତଳଆଡ଼ୁ ପ୍ରଥମ ସ୍ଥାନରେ ଥିବା ବେଳେ ତା’ଉପରକୁ ରହିଛି ଓଡ଼ିଶା ଗୋଆରେ ମାତ୍ର ୫. ୮୪ ପ୍ରତିଶତ ଲୋକ ଶୌଚାଳୟ ବ୍ୟବହାର କରୁଥିବା ବେଳେ ଓଡ଼ିଶାରେ ଏହା ୪୫.୩୬ ପ୍ରତିଶତ ।
ଦେଶର ବହୁ ରାଜ୍ୟ ଖୋଲାରେ ମଳତ୍ୟାଗ ମୁକ୍ତ ଭାବେ ପୂର୍ଣ୍ଣ ସଫଳତା ପାଇଥିବା ବେଳେ, ଓଡ଼ିଶା ପଡ଼ୋଶୀ ରାଜ୍ୟମାନଙ୍କଠୁ ବହୁ ପଛରେ ପଡିଛି। ଏହା ରାଜ୍ୟରେ ସ୍ୱଚ୍ଛ ଭାରତ ମିଶନର କାର୍ଯ୍ୟକାରିତାକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି। ଅନ୍ୟପକ୍ଷରେ ବିଚାରଧୀନ ଅପରାଧ ମାମଲା କ୍ଷେଚ୍ରରେ ଓଡ଼ିଶା ଶୀର୍ଷରେ ରହିଛି।
ତାଲିକାରେ ବିହାର, ପଶ୍ଚିମବଙ୍ଗ ଓ ଉତ୍ତରପ୍ରଦେଶ ଓଡ଼ିଶା ପଛକୁ ରହିଛନ୍ତି। ମାମଲା ଫଇସଲାରେ ବିଳମ୍ବ କ୍ଷେତ୍ରରେ ଓଡ଼ିଶା ତୃତୀୟ ସ୍ଥାନରେ ରହିଛି । ବିହାର ପରେ ଗୁଜରାଟ ମାମଲା ସମାଧାନ ଲାଗି ଅଧିକ ସମୟ ଲାଗୁଥିବା ବେଳେ ଓଡ଼ିଶା ଦୁଇ ରାଜ୍ୟଙ୍କ ପରେ ରହିଛି।