ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର: କଥାରେ ଅଛି ‘ମାରେ ହରି ତ ରଖେ କିଏ, ରଖେ ହରି ତ ମାରେ କିଏ’। ଏହି ଉକ୍ତିର ଯଥାର୍ଥତା ଆଜି ଦେଖିବାକୁ ମିଳିଛି। ରାଜଧାନୀର ପୁରୁଣା ଭୁବନେଶ୍ୱରର ବିଏମ୍‌ସି ହସ୍ପିଟାଲ ପଛପାଖ ଅଞ୍ଚଳରେ ଥିବା ଏକ ମ୍ୟାନ୍‌ହୋଲ୍‌ରେ ଗତକାଲି ରାତି ପ୍ରାୟ ୯ଟା ସମୟରେ ଜଣେ ୮୦ ବର୍ଷର ବୃଦ୍ଧା ଖସି ପଡ଼ିଥିଲେ। ରାତି ସାରା ଏହି ମ୍ୟାନ୍‌ହୋଲ୍‌ ଭିତରେ ବୃଦ୍ଧା ଜଣକ ଛଟପଟ ହୋଇଥିଲେ। କିନ୍ତୁ କେହି ତାଙ୍କ ଖୋଜ୍‌ ଖବର ପାଇ ନ ଥିଲା। ଆଜି ସକାଳେ ମ୍ୟାନ୍‌ହୋଲ ଭିତରୁ ବୃଦ୍ଧାଙ୍କ ଚିତ୍କାର ଶୁଣିଥିଲେ ସ୍ଥାନୀୟ ଲୋକେ। ଏହାପରେ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା। ଅଗ୍ନିଶମ ବିଭାଗ ବୃଦ୍ଧାଙ୍କୁ ମ୍ୟାନ୍‌ହଲ୍‌ ଭିତରୁ ଉଦ୍ଧାର କରିଛି।</p> <p><a href="">(image) </a>ଅଗ୍ନିଶମ ବିଭାଗର ଜଣେ ଅଧିକାରୀ କହିଛନ୍ତି,“ଆଜି ସକାଳ ୭ଟା ୨୦ ମିନିଟ୍‌ରେ ଖବର ଆସିଲା ଜଣେ ବୃଦ୍ଧା ଲିଙ୍ଗରାଜ ମନ୍ଦିର ପଛପଟେ ତାରସୁନ୍ଦରୀ ରାସ୍ତାରେ ଥିବା ଏକ ମ୍ୟାନ୍‌ହୋଲ୍‌ ଭିତରେ ପଡ଼ି ଯାଇଛନ୍ତି। ଏହାପରେ କଳ୍ପନା ଅଗ୍ନିଶମ ବିଭାଗର କର୍ମଚାରୀମାନେ ସଙ୍ଗସଙ୍ଗେ ଯାଇ ମ୍ୟାନ୍‌ହୋଲ୍‌ ଭିତରେ ପଶି ତାଙ୍କୁ ସୁରକ୍ଷିତ ଭାବେ ଉଦ୍ଧାର କରିଛି। ତାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି। ସେଠାରେ ତାଙ୍କର ଚିକିତ୍ସା ଚାଲିଛି। ତାଙ୍କ ଦେହ ସୁସ୍ଥ ଥିବା ଡାକ୍ତର କହିଛନ୍ତି।”</p> <p>ସେ କହିଛନ୍ତି,“ମ୍ୟାନ୍‌ହୋଲ୍‌ ଭିତରେ ପାଣି ନ ଥିଲା। ଏହି ମ୍ୟାନ୍‌ହଲ୍‌ର ଗଭୀରତା ପ୍ରାୟ ୧୫ରୁ ୧୭ ଫୁଟ୍‌ ହେବ। ବୃଦ୍ଧାଙ୍କ ପରିବାର ବର୍ଗ ତାଙ୍କୁ ଗତକାଲି ରାତିରେ ଖୋଜାଖୋଜି କରିଥିଲେ, କିନ୍ତୁ ପାଇ ନଥିଲେ। ସକାଳେ ବୃଦ୍ଧା ଜଣକ ମ୍ୟାନହୋଲ୍‌ ଭିତରେ ପଡ଼ି ଯାଇଥିବା ନେଇ ଜାଣିବା ପରେ ଖବର ଦେଇଥିଲେ।”</p> <p>https://www.youtube.com/watch?v=j2EX-oOQr1M</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
