ମ୍ୟାନ୍‌ହୋଲ୍‌ ଭିତରେ ୧୦ ଘଣ୍ଟା: ୮୦ ବର୍ଷର ବୃଦ୍ଧାଙ୍କୁ ଉଦ୍ଧାର କଲେ ଅଗ୍ନିଶମ କର୍ମଚାରୀ

<p>ଭୁବନେଶ୍ୱର: କଥାରେ ଅଛି &lsquo;ମାରେ ହରି ତ ରଖେ କିଏ, ରଖେ ହରି ତ ମାରେ କିଏ&rsquo;। ଏହି ଉକ୍ତିର ଯଥାର୍ଥତା ଆଜି ଦେଖିବାକୁ ମିଳିଛି। ରାଜଧାନୀର ପୁରୁଣା ଭୁବନେଶ୍ୱରର ବିଏମ୍&zwnj;ସି ହସ୍ପିଟାଲ ପଛପାଖ ଅଞ୍ଚଳରେ ଥିବା ଏକ ମ୍ୟାନ୍&zwnj;ହୋଲ୍&zwnj;ରେ ଗତକାଲି ରାତି ପ୍ରାୟ ୯ଟା ସମୟରେ ଜଣେ ୮୦ ବର୍ଷର ବୃଦ୍ଧା ଖସି ପଡ଼ିଥିଲେ। ରାତି ସାରା ଏହି ମ୍ୟାନ୍&zwnj;ହୋଲ୍&zwnj; ଭିତରେ ବୃଦ୍ଧା ଜଣକ ଛଟପଟ ହୋଇଥିଲେ। କିନ୍ତୁ କେହି ତାଙ୍କ ଖୋଜ୍&zwnj; ଖବର ପାଇ ନ ଥିଲା। ଆଜି ସକାଳେ ମ୍ୟାନ୍&zwnj;ହୋଲ ଭିତରୁ ବୃଦ୍ଧାଙ୍କ ଚିତ୍କାର ଶୁଣିଥିଲେ ସ୍ଥାନୀୟ ଲୋକେ। ଏହାପରେ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା। ଅଗ୍ନିଶମ ବିଭାଗ ବୃଦ୍ଧାଙ୍କୁ ମ୍ୟାନ୍&zwnj;ହଲ୍&zwnj; ଭିତରୁ ଉଦ୍ଧାର କରିଛି।</p> <p>&lt;a href=&quot;&quot;&gt;(image) &lt;/a&gt;ଅଗ୍ନିଶମ ବିଭାଗର ଜଣେ ଅଧିକାରୀ କହିଛନ୍ତି,&ldquo;ଆଜି ସକାଳ ୭ଟା ୨୦ ମିନିଟ୍&zwnj;ରେ ଖବର ଆସିଲା ଜଣେ ବୃଦ୍ଧା ଲିଙ୍ଗରାଜ ମନ୍ଦିର ପଛପଟେ ତାରସୁନ୍ଦରୀ ରାସ୍ତାରେ ଥିବା ଏକ ମ୍ୟାନ୍&zwnj;ହୋଲ୍&zwnj; ଭିତରେ ପଡ଼ି ଯାଇଛନ୍ତି। ଏହାପରେ କଳ୍ପନା ଅଗ୍ନିଶମ ବିଭାଗର କର୍ମଚାରୀମାନେ ସଙ୍ଗସଙ୍ଗେ ଯାଇ ମ୍ୟାନ୍&zwnj;ହୋଲ୍&zwnj; ଭିତରେ ପଶି ତାଙ୍କୁ ସୁରକ୍ଷିତ ଭାବେ ଉଦ୍ଧାର କରିଛି। ତାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି। ସେଠାରେ ତାଙ୍କର ଚିକିତ୍ସା ଚାଲିଛି। ତାଙ୍କ ଦେହ ସୁସ୍ଥ ଥିବା ଡାକ୍ତର କହିଛନ୍ତି।&rdquo;</p> <p>ସେ କହିଛନ୍ତି,&ldquo;ମ୍ୟାନ୍&zwnj;ହୋଲ୍&zwnj; ଭିତରେ ପାଣି ନ ଥିଲା। ଏହି ମ୍ୟାନ୍&zwnj;ହଲ୍&zwnj;ର ଗଭୀରତା ପ୍ରାୟ ୧୫ରୁ ୧୭ ଫୁଟ୍&zwnj; ହେବ। ବୃଦ୍ଧାଙ୍କ ପରିବାର ବର୍ଗ ତାଙ୍କୁ ଗତକାଲି ରାତିରେ ଖୋଜାଖୋଜି କରିଥିଲେ, କିନ୍ତୁ ପାଇ ନଥିଲେ। ସକାଳେ ବୃଦ୍ଧା ଜଣକ ମ୍ୟାନହୋଲ୍&zwnj; ଭିତରେ ପଡ଼ି ଯାଇଥିବା ନେଇ ଜାଣିବା ପରେ ଖବର ଦେଇଥିଲେ।&rdquo;</p> <p>https://www.youtube.com/watch?v=j2EX-oOQr1M</p>