ପୁରୀ(ଓଡ଼ିଶା ରିପୋର୍ଟର): ଆଜି ସନ୍ଧ୍ୟାରେ ପୁରୀ-ହାୱଡା ଏକ୍ସପ୍ରେସର ୩ଟି ଖାଲି ବଗି ଲାଇନଚ୍ୟୁତ ହୋଇଛି। ମାଳତୀପାଟପୁରରୁ ପୁରୀ ଆସିବା ବେଳେ ଏହି ଅଘଟଣ ଘଟିଛି। ଯାହାଫଳରେ ପୁରୀ-ହାୱଡା ଟ୍ରେନ୍ ଯାତ୍ରା ବିଳମ୍ୱ ହୋଇଛି। ତେବେ କେଉଁ କାରଣ ପାଇଁ ଲାଇନ୍ଚ୍ୟୁତ୍ ହୋଇଛି, ତାହା ବର୍ତ୍ତମାନ ସୁଦ୍ଧା ଜଣାପଡ଼ି ନାହିଁ। ରେଲୱେ କର୍ତ୍ତୃପକ୍ଷ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ଏଥିସହ ଟ୍ରାକ୍ ମରାମିତି କାର୍ଯ୍ୟ ଚାଲିଛି।
ପୁରୀ-ହାୱଡା ଏକ୍ସପ୍ରେସର S-1, S-2 ଓ S-3 ବଗି ଲାଇନ୍ଚ୍ୟୁତ ହୋଇଛି। ଟ୍ରେନ ଗୁଡ଼ିକ ପ୍ରାୟ ୩୦% ଟ୍ରାକ୍ରୁ ବାହାରକୁ ଟେକି ହୋଇ ରହିଛି। ଲୁପ୍ଲାଇନ୍ରୁ ମେନ ଲାଇନ୍କୁ ଟ୍ରେନ୍ଟି ଆସୁଥିବା ବେଳେ ଏହି ଦୁର୍ଘଟଣା ଘଟିଛି। ଟ୍ରେନ୍ଟି ରାତି ୮.୧୫ ମିନିଟ୍ରେ ହାୱଡା ଅଭିମୁଖେ ବାହାରି ଥାଆନ୍ତା।