ଜଣଙ୍କ ମୃତ ଦେହ ମିଳିଲା, ଆଉ ଜଣେ ଏବେବି ନିଖୋଜ

ପୁରୀ(ଓଡ଼ିଶା ରିପୋର୍ଟର): ପୁରୀ ସମୁଦ୍ରରେ ଗାଧୋଇବା ବେଳେ ନିଖୋଜ ଥିବା ୨ କ୍ରିକେଟ ଖେଳାଳି ମଧ୍ୟରୁ ଆଜି ଜଣଙ୍କ ମୃତଦେହ ଉଦ୍ଧାର କରାଯାଇଛି। ମୃତକ ଜଣକ ହେଲେ ଆକାଶ ଖାଖା। ଅନ୍ୟଜଣେ ନିଖୋଜ ଖେଳାଳି ଶେଖର ବଚ୍ଚାଙ୍କ ଖୋଜ ଖବର ମିଳିନାହିଁ।

ଗତକାଲି ବେଳାଭୂମିରେ ଗାଧୋଇବା ବେଳେ ୪ଛାତ୍ର ଭାସି ଯାଇଥିଲେ। ସେମାନଙ୍କ ମଧ୍ୟରୁ ୨ଜଣଙ୍କୁ ଉଦ୍ଧାର କରାଯାଇଥିଲା, ଅନ୍ୟ ୨ ଜଣ ନିଖୋଜ ଥିଲେ।

ଭୁବନେଶ୍ୱରରେ ଏକ ଘରୋଇ ବିଶ୍ୱବିଦ୍ୟାଳୟ ଦ୍ୱାରା ଆୟୋଜିତ କ୍ରିକେଟ ଟୁର୍ଣ୍ଣାମେଣ୍ଟ ଖେଳିବା ପାଇଁ ସମ୍ବଲପୁର ବିଶ୍ୱବିଦ୍ୟାଳୟ କ୍ରିକେଟ ଟିମ୍ ଆସିଥିଲା। ତେବେ ଆଜି ବିଶ୍ରାମ ଦିବସ ଥିବାରୁ ଟିମ୍‌ର ୮ ଜଣ ଖେଳାଳି ପୁରୀ ବୁଲିବାକୁ ଯାଇଥିଲେ। ଚୈତନ୍ୟ ଛକ ବେଳାଭୂମି ନିକଟରେ ୮ ଜଣ ଯୁବକ ଗାଧୋଉଥିଲେ। ସେମାନଙ୍କ ମଧ୍ୟରୁ ୪ଜଣ ସମୁଦ୍ରରେ ଭାସି ଯାଇଥିଲେ। ୨ଜଣଙ୍କୁ ପୁରୀ ବେଳାଭୂମି ଲାଇଫଗାର୍ଡ ଉଦ୍ଧାର କରିଥିଲେ।