ମୋହନା(ମିହିର ଯତି): ଗଜପତି ଜିଲ୍ଲା ମୋହନା ଥାନା କମଳାପୁର ଗାଁ ନିକଟରେ ବାରହାକୁ ଧକ୍କା ଦେଇ ଜଣେ ବାଇକ୍ ଆରୋହୀ ଗୁରୁତର ହୋଇଛନ୍ତି । ଆହତ ବ୍ୟକ୍ତିଜଣଙ୍କ ହେଲେ କପାଖାଲ ଗାଁର ଏରନା ଗମାଙ୍ଗ ।
ଆଜି ଭୋରରୁ ଏରନା ଗମାଙ୍ଗ ଗୋବିନ୍ଦପୁର ଗାଁରୁ ନିଜ ଘରକୁ ବାଇକ୍ ଯୋଗେ ଫେରୁଥିଲେ। କମଳାପୁର ଗାଁ ନିକଟସ୍ଥ ଜଙ୍ଗଲରେ ଏକ ବାରହା ପଲ ରାସ୍ତା ପାର ହେଉଥିଲେ । ଏରନା ହଠାତ୍ ଏକ ବାରହାକୁ ଧକ୍କା ଦେବା ସହ ଭାରସାମ୍ୟ ହରାଇ ତଳେ ପଡ଼ିଯାଇଥିଲେ। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ସ୍ଥାନୀୟ କମଳାପୁର ମେଡିକାଲରେ ଭର୍ତ୍ତି କରିଥିଲେ। ତାଙ୍କ ଅବସ୍ଥା ଗୁରୁତର ଥିବା ଜଣାଯାଇଛି।