ସ୍ମାର୍ଟ ସିଟିର ସ୍ମାର୍ଟ ଚେହେରା: ଦିନ ଦି’ପହରେ ରାସ୍ତା କଡ଼ରେ ଢ଼କଲମ୍ ଆସର

ଭୁବନେଶ୍ୱର: ବଦଳୁଛି ଦେଶର ଏକ ନମ୍ୱର ସ୍ମାର୍ଟସିଟି ଭୁବନେଶ୍ୱରର ଚେହେରା। ରାତିର ଅନ୍ଧାର ନୁହେଁ ଦିନ ଦ୍ୱି’ପ୍ରହରରେ ରାସ୍ତାକଡ଼ରେ ଦୋ’ ନମ୍ୱରୀ କାମ ଚାଲିଛି। ଅର୍ଥାତ ବସୁଛି ମଦ ଆସର। ଖୋଲାଖୋଲି ଭାବେ ମଦ ପିଉଛନ୍ତି ଲୋକେ। ମଦ ନିଶାର ତାଳେତାଳେ ଲୋକେ ଝୁମୁଛନ୍ତି । ଆସର ଲମ୍ବିଛି, ଠିପି ବନ୍ଦ ମଦ ଦୋକାନରୁ ରାସ୍ତାର ଗୋଟିଏ ପଟେ ୧୦୦ ମିଟର ଯାଏଁ। ମଦ ଦୋକାନ ପାଖରେ ଚାଖଣା ସେଣ୍ଟର ମଧ୍ୟ ରହୁଛି। ଏଇ ଚିତ୍ର ଗୋଟିଏ ବା ଦୁଇ ଦିନର ନୁହେଁ ନିତିଦିନିଆ ଘଟଣାରେ ପରିଣତ ହୋଇଗଲାଣି। (ଭିଡିଓ ଦେଖନ୍ତୁ) ଏଭଳି ଦୃଶ୍ୟ ଖଣ୍ଡଗିରି ଥାନା ଅନ୍ତର୍ଗତ ଘାଟିକିଆ ଥାନା ଅଞ୍ଚଳରେ ଦେଖିବାକୁ ମିଳିଛି। ସେହି ରାସ୍ତା ଦେଇ ଛୁଆପିଲା, ମହିଳା ଓ ହଜାର ହଜାର ଲୋକ ଯିବାଆସିବା କରୁଛନ୍ତି। ଏପରି ଅନେକ ସ୍ଥାନରେ ଖୋଲମ୍‌ଖୋଲା ଲୋକ ମଦ ପିଉଥିଲେ ମଧ୍ୟ ଏଥିପ୍ରତି ପ୍ରଶାସନର ନଜର ପଡ଼ୁନି। ଯାହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଉଛି।

ସ୍ଥାନୀୟ ବାସିନ୍ଦା କହିଛନ୍ତି- “ଖୋଲମ୍‌ଖୋଲା ଲୋକେ ମଦ ପିଉଛନ୍ତି। ସେମାନଙ୍କର କାହା ପ୍ରତି ଡର ନାହିଁ। ପୋଲିସ ଆସି ଦୂରରୁ ଦେଖି ପଳାଇ ଯାଉଛି।”

ଭୁବନେଶ୍ୱର ଡିସିପି ସତ୍ୟବ୍ରତ ଭୋଇ କହିଛନ୍ତି- “ମହାନଗରେ ନିୟମିତ ରେଡ୍‌ ହେଉଛି। ସେମାନଙ୍କୁ ଗିରଫ କରାଯାଇ ଚାଲାଣ ମଧ୍ୟ କରାଯାଉଛି। ଏହା ସତ୍ତ୍ୱେ ଯଦି କେଉଁଠି ଖୁଲମ୍‌ଖୋଲା ମଦ୍ୟପମାନେ ମଦ ପିଉଥିବେ ତେବେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।”