ଆନ୍ଦୋଳନ ବେଳେ ସମ୍ପତ୍ତି ନଷ୍ଟ କଲେ ଫାଇନ ଦେବାକୁ ପଡ଼ିବ

<p>ଭୁବନେଶ୍ୱର: ଏଣିକି ରାଜଧାନୀରେ ଆନ୍ଦୋଳନ ବେଳେ ସରକାରୀ କି ବେସରକାରୀ ସଂପତ୍ତି ନଷ୍ଟ କଲେ ଫାଇନ୍&nbsp; ଆଦାୟ କରିବ କମିଶନରେଟ୍ ପୋଲିସ।&nbsp; ସେହିପରି ଧାରଣା ଓ ଶୋଭାଯାତ୍ରା ବେଳେ&nbsp; ଶୃଙ୍ଖଳା ରକ୍ଷା ଲାଗି ସଂପୃକ୍ତ ଅନୁଷ୍ଠାନ ବା ବ୍ୟକ୍ତି ବିଶେଷଙ୍କୁ ବଣ୍ଡ ସାଇନ୍ କରିବାକୁ ମଧ୍ୟ ପଡ଼ିବ। ଏଥିରେ ବ୍ୟତିକ୍ରମ ଘଟିଲେ କିମ୍ବା ହିଂସାକାଣ୍ଡରୁ ସଂପତ୍ତି&nbsp; ନଷ୍ଟ ହେଲେ ସଂପୃକ୍ତ&nbsp; ଅନୁଷ୍ଠାନଠାରୁ କ୍ଷତିପୂରଣ ବାବଦକୁ ଜରିମାନା ଆଦାୟ କରାଯିବ।&nbsp; ଏନେଇ ପୋଲିସ&nbsp; କମିଶନରଙ୍କ ପକ୍ଷରୁ ନିର୍ଦ୍ଦେଶନାମା ଜାରି ହୋଇଛି।&nbsp; ଆସନ୍ତା ଜାନୁଆରୀ ପହିଲାରୁ ଏହା &nbsp;କାର୍ଯ୍ୟକାରୀ ହେବ।</p> <p>ସୂଚନାଯୋଗ୍ୟ, ଦୁଇଦିନ ତଳେ ଭୁବନେଶ୍ୱର ମହାନଗର ନିଗମ ଅଞ୍ଚଳରେ ଧାରଣା କି ଧର୍ମଘଟ ପାଇଁ ବିଭିନ୍ନ ଦେୟ ଧାର୍ଯ୍ୟ କରିଥିଲା &nbsp;ବିଏମସି। &nbsp;ଧାରଣା ପାଇଁ ସର୍ବନିମ୍ନ ଦୈନିକ ଦେୟ ୫୦୦ ଟଙ୍କା ଆଦାୟ ପାଇଁ ନିଷ୍ପତ୍ତି ହୋଇଛି। ସେହିପରି ୧୦୦ ରୁ ୫୦୦ ଲୋକଙ୍କ ପାଇଁ ଦୈନିକ ହଜାରେ ଓ ୫ ଶହରୁ ଅଧିକ ପ୍ରତ୍ୟେକ ବ୍ୟକ୍ତି ପିଛା ୫ ଟଙ୍କା ଲେଖାଏଁ ଅତିରିକ୍ତ ଦେବାକୁ ହେବ।&nbsp; ଏହା ପ୍ରଶାସନିକ ଓ ପରିମଳ ଦେୟ ଆକାରରେ ଦେବାକୁ ହେବ ବୋଲି ବିଏମସି ପକ୍ଷରୁ ନିଷ୍ପତ୍ତି ହୋଇଥିଲା।</p> <p>ଏନେଇ ଗତକାଲି ପରିମଳ ଦେୟ ନାଁରେ ବିଏମସିର ନୂଆ ଟ୍ୟାକ୍ସ ଆଦାୟ ନିଷ୍ପତ୍ତିକୁ ବିଭିନ୍ନ ସଂଗଠନ ପକ୍ଷରୁ ବିରୋଧ କରାଯାଇ ରାଜଧାନୀର ଲୋୟର ପିଏମଜିରେ ବିଭିନ୍ନ ସଂଗଠନ ପକ୍ଷରୁ ପ୍ରତିବାଦ କରାଯାଇଥିଲା।</p>