ପାଣ୍ଡିଆନ୍‌ଙ୍କ ଉପସ୍ଥିତିରେ ନବୀନ ଓ ବୈଷ୍ଣବଙ୍କ ସହ କ’ଣ ଆଲୋଚନା କଲେ ମୁଖ୍ୟମନ୍ତ୍ରୀ?

<p>ଭୁବନେଶ୍ୱର:(ଓଡ଼ିଶା ରିପୋର୍ଟର): ତୃତୀୟ ମହଲାକୁ ଟାର୍ଗେଟ ଓ ପାଣ୍ଡିୟାନ୍&zwnj;ଙ୍କୁ ଦଳୀୟ ନେତାଙ୍କ ସମାଲୋଚନା ପରେ ନବୀନଙ୍କ ଷ୍ଟ୍ରାଟେଜୀ ବଦଳିଥିବା ଚର୍ଚ୍ଚା । &nbsp;&nbsp;ଚର୍ଚ୍ଚାକୁ ଖୋରାକ୍ ଯୋଗାଇଛି ଗଣମାଧ୍ୟମରେ ଅସନ୍ତୋଷ ପ୍ରକାଶ କରିଥିବା ନବୀନ ନନ୍ଦ ଓ ବୈଷ୍ଣବ ପରିଡାଙ୍କୁ ଡାକି ମୁଖ୍ୟମନ୍ତ୍ରୀଙ୍କ ଆଲୋଚନା। &nbsp;&nbsp;&nbsp;ତେବେ ଏହା ପଛରେ ଦଳ ସଜାଡିବାକୁ ଉଦ୍ୟମ&nbsp; ନା ପାଣ୍ଡିୟାନଙ୍କୁ ଟାର୍ଗେଟ ପରେ ଭିନ୍ନ ଉଦ୍ଦେଶ୍ୟରେ ଉଭୟଙ୍କୁ ସମନ୍ କରାଯାଇଥିଲା।? ତାକୁ ନେଇ କଳ୍ପନାଜଳ୍ପନା। &nbsp;&nbsp;&nbsp;ୟା ଭିତରେ ସେପଟେ&nbsp; ସାଂସଦ ବୈଜୟନ୍ତ ପଣ୍ଡା ଟୁଇଟ୍ କରି କହିଛନ୍ତି ତାଙ୍କ ଭଳି ଦଳ ଓ ରାଜ୍ୟର &nbsp;ସ୍ୱାର୍ଥ କଥା ଚିନ୍ତା କରୁଥିବା ନେତାଙ୍କୁ ଡାକି ମୁଖ୍ୟମନ୍ତ୍ରୀ ଆଲୋଚନା କରିଥିବାରୁ ସେ ଖୁସି । &nbsp;ଗତକାଲି ଥାର୍ଡ ଫ୍ଲୋରରେ ମୁଖ୍ୟମନ୍ତ୍ରୀଙ୍କୁ ଉଭୟ ନବୀନ ନନ୍ଦ ଓ ବୈଷ୍ଣବ ପରିଡା ଭେଟିଥିଲେ। ଏହି ଭେଟଘାଟକୁ ନେଇ&nbsp; ହଲଚଲ୍ ବିଜେଡି ରାଜନୀତି।&nbsp;&nbsp;ଏହି &nbsp;ଭେଟିବା ଫଛର ଅସଲ ଉଦ୍ଦ୍ୟେଶ କ&rsquo;ଣ ତାକୁ ନେଇ ଚର୍ଚ୍ଚା ।</p><p>ଦଳ ସଜାଡିବାକୁ ନବୀନଙ୍କ ଏହି ଉଦ୍ୟମ ନା ପାଣ୍ଡିୟାନ୍&zwnj;ଙ୍କୁ ଟାର୍ଗେଟ କରିବାପରେ ଯୋଜନା ବଦ୍ଧ ଭାବେ ଏହା ତାଳିପକା ଉଦ୍ୟମ ତାକୁ ନେଇ ଦଳ ଭିତରେ କଳ୍ପନା ଜଳ୍ପନା ପ୍ରକାଶ ପାଇଛି। &nbsp;&nbsp;&nbsp;&nbsp;ଘରସଜାଡିବା ନାଁରେ ପାଣ୍ଡିୟାନ୍&zwnj;ଙ୍କୁ ସୁରକ୍ଷା ଦେବା ପାଇଁ ଏହି ରଣନୀତି ଥିଲା କି ତାକୁ ନେଇ ମଧ୍ୟ ପ୍ରଶ୍ନ ଉଠିଛି। ସେପଟେ&nbsp; ଯଦି ଘରସଜାଡିବାକୁ ପ୍ରକୃତ ଉଦ୍ୟମ କରାଯାଇଥିଲା ତେବେ ପାଣ୍ଡିୟାନ୍ ଏବଂ ପ୍ରଣବ ପ୍ରକାଶ ଦାସଙ୍କ ଉପସ୍ଥିତିରେ କାହିଁକି ଗତ ସଂଧ୍ୟାରେ ଆଲୋଚନା ହେଲା ତାକୁ ନେଇ ମଧ୍ୟ ପ୍ରଶ୍ନ ଉଠିଛି।&nbsp;&nbsp;ଯେଉଁ ତାମିଲ୍ ଅଫିସରଙ୍କୁ ନେଇ ଅଭିଯୋଗ ତାଙ୍କ ସମ୍ମୁଖରେ ଆଲୋଚନା କେତେ ଫଳପ୍ରଦ ହେବ&nbsp; ତାକୁ ନେଇ ବି ଚର୍ଚ୍ଚା ହେଉଛି।ବିଜେଡିରେ ଏଭଳି ବାଦ ବିବାଦ ଭିତରେ ବୈଷ୍ଣବ ଓ ନବୀନ ନନ୍ଦ ମୁଖ୍ୟମନ୍ତ୍ରୀଙ୍କୁ ଭେଟିବା ନେଇ ଟୁଇଟ୍ କରିଛନ୍ତି ସଂସାଦ ବୈଜୟନ୍ତ ପଣ୍ଡା।</p><p>ବୈଜୟନ୍ତ କହିଛନ୍ତି ରାଜ୍ୟ ଓ ଦଳର ସ୍ୱାର୍ଥ&nbsp; ଦୃଷ୍ଟିରୁ ତାଙ୍କ ଭଳି ଏ ଦୁଇ ନେତା ମଧ୍ୟ ଚିନ୍ତା ପ୍ରକାଟ କରିଥିଲେ। ଦଳ ସଭାପତି ଉଭୟଙ୍କୁ ଡାକି ଆଲୋଚନା କରିଥିବା ଜାଣି ସେ ଖୁସି । ସେପଟେ ନବୀନ ନନ୍ଦ ଜବାବରେ ଟୁଇଟ୍&zwnj; କରିଛନ୍ତି। &nbsp;ଲେଖିଛନ୍ତି ଦଳର ସ୍ୱାର୍ଥ ପାଇଁ ବୈଜୟନ୍ତ ଉଦ୍ୟମ ନିକଟ ଭଭିଷ୍ୟତରେ ଫଳପ୍ରଦ ହେବ। ଏନେଇ ସେ ଆଶାବାଦୀ । ଏପଟେ ଚର୍ଚ୍ଚା, ବିଜେଡି ସୁପ୍ରିମୋଙ୍କ ଏହି ପରିବର୍ତ୍ତିତ ଷ୍ଟ୍ରାଟେଜୀ କାହିଁକି ?</p><p>ଅସନ୍ତୁଷ୍ଟ ନେତାଙ୍କୁ ସନ୍ତୁଷ୍ଟ କରି ବିଜେପିକୁ ଚେକେମଟ୍ ଦେବା ଓ&nbsp; ଆଗକୁ ବିଜେପୁର ପୁଣି ସାଧାରଣ ନିର୍ବାଚନ ଆସୁଥିବାରୁ ନବୀନ ସମସ୍ତଙ୍କୁ ନେଇ ଚାଲିବା ପାଇଁ ଉଦ୍ୟମ ବୋଲି ଚର୍ଚ୍ଚା ହେଉଛି । ଦଳକୁ ଶୃଙ୍ଖଳିତ ଭାବେ ପରିଚାଳନା ପାଇଁ&nbsp; ପଲିଟିକାଲ୍ କ୍ରାଇସିସ୍ ମ୍ୟାନେଜେର୍ ଭାବେ ସ୍ୱର୍ଗତ ପ୍ୟାରୀମୋହନ ମହାପାତ୍ର ଓ&nbsp; ପରେ କଳ୍ପତରୁ ଦାସ ନେତାଙ୍କ ଭିତରେ ସମନ୍ୱୟ ରକ୍ଷା କରୁଥିଲେ। ଏବେ ତୃତୀୟ ମହଲା ତାମିଲ୍ ଅଫିସରଙ୍କ ଯୋଗୁଁ ଦଳରେ ବିଶୃଙ୍ଖଳା ବଢୁଥିବା ବେଳେ ନବୀନ ଆଗକୁ କ&rsquo;ଣ ପଦକ୍ଷେପ ନେଉଛନ୍ତି &nbsp;ତା ଉପରେ ନଜର।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।