ପାଣ୍ଡିଆନ୍‌ଙ୍କୁ ନେଇ ବିଜେଡିରେ ବଢୁଛି ଅସନ୍ତୋଷର ଝଡ଼: ମୁହଁ ଖୋଲିଲେ ଆଉ ଜଣେ ନେତା

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ପାଣ୍ଡିଆନ୍&zwnj;ଙ୍କୁ ନେଇ ବିଜେଡିରେ ବହିବାରେ ଲାଗିଛି ଅସନ୍ତୋଷର ଝଡ଼। ଜଣଙ୍କ ପରେ ଜଣେ ନେତା ମୁହଁ ଖୋଲିବାକୁ ଲାଗିଛନ୍ତି। ହେଲେ ଟାର୍ଗେଟରେ ନବୀନ ନୁହଁନ୍ତି, ଅଛନ୍ତି ତୃତୀୟ ମହଲାର ତାମିଲ ଅଫିସର୍। ଦଳରେ ପାଣ୍ଡିଆନ୍&zwnj;ଙ୍କ ଭୂମିକା ଓ ରାଜନୈତିକ ହସ୍ତକ୍ଷେପକୁ ନେଇ ଆଜି ତାଙ୍କୁ ଟାର୍ଗେଟ କରିଛନ୍ତି ବିଜେଡିର ପୂର୍ବତନ ବିଧାୟକ ନବୀନ ନନ୍ଦ। ଦଳ ଠିକ୍&zwnj;ଭାବେ ଚାଲି ନାହିଁ, ମୁଖ୍ୟମନ୍ତ୍ରୀ ଅନ୍ଧାରରେ ରହୁଛନ୍ତି କହି ବିସ୍ଫୋରକ ବାଣ ମାରିଛନ୍ତି ନନ୍ଦ।</p><p>ବୈଜୟନ୍ତ, ରମାରଞ୍ଜନ, ବୈଷ୍ଣବଙ୍କ ପରେ ଏବେ ଦଳର ଆଉ ଜଣେ ପୁରୁଖା ନେତା ନବୀନ ନନ୍ଦ ତୃତୀୟ ମହଲାକୁ ଟାର୍ଗେଟ୍&zwnj; କରିଛନ୍ତି। ବିଜେଡି ରାଜନୀତିରେ ପାଣ୍ଡିଆନ୍&zwnj;ଙ୍କ ଭୂମିକାକୁ ନେଇ ପଦାକୁ ଆସିଛି ନନ୍ଦଙ୍କ ପୁଞ୍ଜୀଭୂତ ଅସନ୍ତୋଷ। କହିଛନ୍ତି, &ldquo;ମୁଖ୍ୟମନ୍ତ୍ରୀ ଅନ୍ଧାରରେ ରହୁଛନ୍ତି।&nbsp; ପାଣ୍ଡିଆନ୍&zwnj;ଙ୍କ ପରାମର୍ଶ ଦଳକୁ ଗୁଡ଼ାଏ ଯାଗାରେ ପ୍ରଭାବିତ କରୁଛି। ସେଥିପାଇଁ ଦଳରୁ ମୁହଁ ଫେରାଉଛନ୍ତି ନେତା। ଯାହାର ପ୍ରଭାବ ନିର୍ବାଚନରେ ନିଶ୍ଚିତ ପଡିବ। ଏବେ ମୁଖ୍ୟମନ୍ତ୍ରୀ ସେମାନଙ୍କୁ ଡାକି ଆଲୋଚନା କରିବା କଥା।&rdquo;</p><p>ନନ୍ଦ ଏପରି ମନ୍ତବ୍ୟ ଦେବା ପରେ ବିଜେଡି ପକ୍ଷରୁ ଏହାର ଉତ୍ତର ଦିଆଯାଇଛି। ଦଳର ଉପସଭାପତି ସୂର୍ଯ୍ୟନାରାୟଣ ପାତ୍ର କହିଛନ୍ତି, &ldquo;ନବୀନ ନନ୍ଦ ଏବେ ଦଳରେ ନାହାଁନ୍ତି।&rdquo;</p><p>ସୂର୍ଯ୍ୟ ପାତ୍ରଙ୍କ ମନ୍ତବ୍ୟ ଆସିବା ପରେ ପୁଣି ବର୍ଷିଛନ୍ତି ନବୀନ ନନ୍ଦ। ନନ୍ଦ ଟ୍ୱିଟ୍&zwnj; କରି ସୂର୍ଯ୍ୟ ପାତ୍ରଙ୍କୁ ଏକାଧିକ ପ୍ରଶ୍ନ କରିଛନ୍ତି। ନନ୍ଦ ପଚାରିଛନ୍ତି, ମୁଁ କେବେ ଠାରୁ ଦଳରେ ନାହିଁ ? ସୂର୍ଯ୍ୟ ପାତ୍ର ଉତ୍ତର ଦିଅନ୍ତୁ। ମୋତେ ବହିଷ୍କାର କରାଯାଇଛି ନା ଇସ୍ତଫା ଦେଇଛି ସେ ସ୍ପଷ୍ଟ କରନ୍ତୁ ? ପ୍ୟାରୀଙ୍କ ମିଡନାଇଟ୍&zwnj; ଅପରେସନ ପରେ ମୁଁ ଦଳରେ ଯୋଗ ଦେଇଥିଲି। ଜୁନ ୫ରେ ମୋ ସହ ଅନ୍ୟ ୩ ବିଧାୟକ ମଧ୍ୟ ଯୋଗ ଦେଇଥିଲେ। ଶସ୍ତା ମନ୍ତବ୍ୟ ଦେବାକୁ ସୂର୍ଯ୍ୟଙ୍କୁ ମୁଖ୍ୟମନ୍ତ୍ରୀ ଅନୁମତି ଦେଇଥିଲେ କି ?&rdquo;</p><p>ଅନ୍ୟପକ୍ଷରେ ତୃତୀୟ ମହଲା ଓ ପାଣ୍ଡିଆନ୍&zwnj;ଙ୍କୁ ନେଇ ବିଜେଡିରେ ଚାଲିଥିବା କନ୍ଦଳରୁ ଫାଇଦା ନେବା ଚକ୍କରରେ ରହିଛନ୍ତି ବିରୋଧୀ। ପାଣ୍ଡିଆନ୍&zwnj;ଙ୍କୁ ଆଳ କରି ନବୀନଙ୍କୁ ଟାର୍ଗେଟ କରିଛି କଂଗ୍ରେସ। ସେହିପରି ବିଜେପି ମଧ୍ୟ ନବୀନ ଓ ପାଣ୍ଡିଆନ୍&zwnj;ଙ୍କ ଉପରେ ବର୍ଷିଛି।</p><p>ଏଭଳି ଅଭିଯୋଗ ନୂଆ ନୁହେଁ, ଦଳ ଠିକ୍ ଭାବେ ଚାଲିଛି କହି ଜବାବ୍ ରଖିଛି ବିଜେଡି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।