ଚନ୍ଦ୍ରଭାଗାରେ ବୁଡ଼ ପକାଇଲେ ହଜାର ହଜାର ଶ୍ରଦ୍ଧାଳୁ

କୋଣାର୍କ: ଆଜି ମାଘ ସପ୍ତମୀ। ସେଥିପାଇଁ ଚନ୍ଦ୍ରଭାଗାରେ ବୁଡ଼ ପକାଇଛନ୍ତି ଶ୍ରଦ୍ଧାଳୁ।  ବଡି ଭୋରରୁ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ଚନ୍ଦ୍ରଭାଗାରେ ବୁଡ ପକାଇଥିଲେ। ଏଥିପାଇଁ ତୀର୍ଥ ପୁଷ୍କରଣୀ ଖନନ ସହ ବାରିକେଡ ଓ ଅସ୍ଥାୟୀ ଓ୍ୱାଚ ଟାଓ୍ୱାର ନିର୍ମାଣ କରାଯାଇଥିଲା। ପ୍ରାୟ ୩୦ ପ୍ଲାଟୁନ୍ ପୋଲିସ୍‌କୁ ସୁରକ୍ଷା ଦାୟିତ୍ୱରେ ରଖାଯାଇଥିଲା।

ଏହି ଦିନ କୃଷ୍ଣଙ୍କ ପୁଅ ଶାମ୍ବ ଚନ୍ଦ୍ରଭାଗା ନଦୀ ତଟରେ ତପସ୍ୟା କରି କୁଷ୍ଠ ରୋଗରୁ ମୁକ୍ତ ହୋଇଥିଲେ କୁହାଯାଏ। ତେଣୁ ପରିବାରକୁ ରୋଗରୁ ମୁକ୍ତ ରଖିବା ପାଇଁ ହିନ୍ଦୁମାନେ ଏହି ଦିନ ବୁଡ଼ ପକାଇ ଉଦିତ ସୂର୍ଯ୍ୟଙ୍କୁ ଦର୍ଶନ କରନ୍ତି।