ଓଡ଼ିଶାର ସର୍ବ କନିଷ୍ଠ ପାଇଲଟ୍‌ ସେଲବୀ: ମହିଳାଙ୍କ ପାଇଁ ସାଜିଛନ୍ତି ଉଦାହରଣ

<p>କେନ୍ଦୁଝର: ଦୃଢ଼ ଇଚ୍ଛାଶକ୍ତି ଓ ଗୁରୁଜନଙ୍କ ଆଶୀର୍ବାଦ ଆଗରେ ହାରମାନେ ସମସ୍ତ ପ୍ରତିବନ୍ଧକ। ମିଳିଥାଏ ଅଜସ୍ର ସଫଳତା। ପୁରୁଷ କେନ୍ଦ୍ରୀକ ସମାଜରେ ଜଣେ ମହିଳା ଆକାଶରେ ଉଡ଼ିବା ସତରେ ଦିବା ସ୍ୱପ୍ନପରି। ହେଲେ ଏହାକୁ ସଫଳ କରି ଦେଖାଇଛନ୍ତି ଆଦିବାସୀ ଅଧ୍ୟୁକ୍ଷିତ କେନ୍ଦୁଝର ଜିଲ୍ଲା ରୁକୁଣାଦେଇପୁର ଶାସନ ଗାଁର ଝିଅ ସେଲବୀ ମିଶ୍ର। ଆଜି ପ୍ରତିଟି ମହିଳାଙ୍କ ପାଇଁ ଉଦାହରଣ ସାଜିଛନ୍ତି ସେଲବୀ।</p> <p>ପିଲାଟି ଦିନରୁ ମହାକାଶଚାରୀ କଳ୍ପନା ଚାୱାଲାଙ୍କ ଆଦର୍ଶରେ ଅନୁପ୍ରାଣିତ ସେଲବୀ ଏବେ ସାଜିଛନ୍ତି ଓଡ଼ିଶାର ସର୍ବ କନିଷ୍ଠ ମହିଳା ପାଇଲଟ୍। ବାପା ବିପିନ ମିଶ୍ର ଜଣେ ନାଭାଲ୍ ଅଫିସର ହୋଇଥିବାରୁ ତାଙ୍କଠାରୁ ପାଇଥିଲେ ସାହାସ ଓ ନିର୍ଭିକତାର ମନ୍ତ୍ର। ସେଲବୀ ପିଲାଟି ବେଳରୁ ମେଧାବୀ ଓ ଜିଦ୍&zwnj;ଖୋର ଥିଲେ। ମୁମ୍ୱାଇରେ ଶିକ୍ଷା ଶେଷ କରିବା ପରେ ୨୦୦୮ ମସିହାରେ ପାଇଲଟ୍ ଟ୍ରେନିଂ ପାଇଁ ଆମେରିକା ଯିବା ପାଇଁ ମନୋନୀତ ହୋଇଥିଲେ। ୧୮ ବର୍ଷ ବୟସରେ ସାଜିଥିଲେ ପାଇଲଟ୍। ଏବେ ସେଲବୀ &lsquo;ଏୟାର ଏସିଆର କମରସିଆଲ୍&rsquo; ପାଇଲଟ୍ ଭାବେ କାର୍ଯ୍ୟରତ। ମା&rsquo; ସୁକାନ୍ତି ମିଶ୍ରଙ୍କ ପ୍ରେରଣା ଓ ଉତ୍ସାହ ଯୋଗୁଁ ସେଲବୀ ଜଣେ ଦକ୍ଷ ପାଇଲଟ୍ ହୋଇପାରିଥିବା କହିଛନ୍ତି।</p> <p>ପାଇଲଟ୍ ପ୍ରଶିକ୍ଷଣ ପାଇଁ ତାଙ୍କ ପରିବାର ଲୋକେ ଲକ୍ଷାଧିକ ଟଙ୍କାର ଧାର କରଜ କରିଥିଲେ। ହେଲେ ଝିଅ ପାଇଲଟ୍ ହେବା ପରେ ତାଙ୍କ ଏହି ଋଣବୋଝ ଲାଘବ ହୋଇଯାଇଛି। ସେଲବୀଙ୍କ ଦକ୍ଷତା ଓ କାର୍ଯ୍ୟଶୈଳୀ ତାଙ୍କ ପରିବାରର ପ୍ରତିଟି ସଦସ୍ୟଙ୍କ ମୁହଁରେ ହସ ଫୁଟାଇ ପାରିଛି।</p> <p>କେବଳ ସେତିକି ନୁହେଁ ସେଲବୀ ଘର କାମରେ ମଧ୍ୟ ପାରଙ୍ଗମ। ବ୍ୟସ୍ତ ସମୟ ମଧ୍ୟରୁ ଅବସର ପାଇଲେ ସେ ମା&rsquo;ଙ୍କୁ ଘର କାମରେ ମଧ୍ୟ ସାହାଯ୍ୟ କରିଥାନ୍ତି।</p>