ମୟୂରଭଞ୍ଜ(ଓଡ଼ିଶା ରିପୋର୍ଟର): ଫୁଟ୍ବଲ ଖେଳୁଥିବା ବେଳେ ତଳେ ପଡ଼ି ଜଣେ ଯୁବକଙ୍କ ମୃତ୍ୟୁ ଘଟିଛି। ଏପରି ଅଭାବନୀୟ ଘଟଣା ମୟୂରଭଞ୍ଜ ଜିଲ୍ଲା ତିରିଂ ଥାନା ଅନ୍ତର୍ଗତ ପୋଟଳା ଗାଁ ନିକଟରେ ଘଟିଛି। ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଆରମ୍ଭ କରିଛି।
ଗତକାଲି ପୋଟଲା ଗାଁରେ ଫୁଟ୍ବଲ୍ ମ୍ୟାଚ ହୋଇଥିଲା। ବିରସିଂହ ଗାଗରାଇ ମ୍ୟାଚ ଖେଳୁଥିଲେ। ଖେଳିବା ବେଳେ ହଠାତ ତଳେ ପଡ଼ିଯାଇଥିଲେ। ସାଥୀ ଖେଳାଳିମାନେ ତାଙ୍କୁ ଉଦ୍ଧାର କରି ରାଇରଙ୍ଗପୁର ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।