ଭିଭିଆଇପି ନେତାଙ୍କ ଗସ୍ତକୁ ନେଇ ରାଜ୍ୟ ରାଜନୀତି ସରଗରମ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଆସନ୍ତା ୨ ସପ୍ତାହ ବେଶ୍ ସରଗରମ ହେବାକୁ ଯାଉଛି ରାଜ୍ୟ ରାଜନୀତି। ୧୫ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ୧୮ରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ ଓ ୨୫ରେ ଓଡ଼ିଶା ଆସିବେ କଂଗ୍ରେସ ଅଧ୍ୟକ୍ଷ ରାହୁଲ୍ ଗାନ୍ଧି। ତେବେ ଏହାକୁ ନେଇ ତିନି ରାଜନୀତିକ ଦଳ ଭିତରେ ଉଷ୍ମତା ବଢ଼ିବାରେ ଲାଗିଛି।</p><p>ନରେନ୍ଦ୍ର ମୋଦି ଖୋର୍ଦ୍ଧାରେ ଆୟୋଜିତ ସଭାରେ ରାଜ୍ୟ ସରକାରଙ୍କୁ ପ୍ରଶ୍ନ କଲେ ଓ ବାରିପଦାରେ ପରାମର୍ଶ ଦେଲେ। ତେବେ ବଲାଙ୍ଗିରରେ ନବୀନ ପଟ୍ଟନାୟକଙ୍କୁ ନେଇ କଣ ହେବ ପ୍ରଧାନମନ୍ତ୍ରୀଙ୍କ ଆଭିମୁଖ୍ୟ? ତାକୁ ନେଇ କଳ୍ପନାଜଳ୍ପନା ଆରମ୍ଭ ହୋଇଛି।</p><p>&lt;span style=&quot;color: #ff0000;&quot;&gt;କଣ କହିବେ ମୋଦି&lt;/span&gt;</p><p>ଦିନକ ପରେ ପ୍ରଧାନମନ୍ତ୍ରୀ ବଲାଙ୍ଗିର ଆସୁଥିବାରୁ ବିଜେପି କ୍ୟାମ୍ପ୍ ବେଶ ଉତ୍ସାହିତ। ସ୍ୱାଗତ ପାଇଁ ହେଉଛି ବ୍ୟାପକ ଆୟୋଜନ। ସମସ୍ତଙ୍କ ନଜର ବଲାଙ୍ଗିର ସଭାରେ ମୋଦିଙ୍କ ଅଭିଭାଷଣ ଉପରେ। ବିଜେଡି-ବିଜେପି ଭିତିରି ସଂପର୍କକୁ ନେଇ ଚର୍ଚ୍ଚା ଓ ପୁରୁଣା ସହଯୋଗୀଙ୍କ ପାଇଁ ଏନ୍&zwnj;ଡିଏ ଦ୍ୱାର ଖୋଲା ବୋଲି ପ୍ରଧାନମନ୍ତ୍ରୀ କହିବା ପରେ ନୂଆ ସମୀକରଣ ସଂପର୍କରେ କୌଣସି ଆଭାସ ମିଳିବ କି? ନା ନବୀନଙ୍କୁ ନିଶାନା କରି ପୁଣି ସସ୍&zwnj;ପେନ୍ସ ବଢ଼ାଇବେ ମୋଦି? ଏସବୁ ସମ୍ଭାବନାକୁ ନେଇ ଚର୍ଚ୍ଚା ଜୋର୍ ଧରିଲାଣି। ତେବେ ଗତ ପଞ୍ଚାୟତ ନିର୍ବାଚନରେ ପଶ୍ଚିମ ଓଡ଼ିଶାରେ ବିଜେପି ଭଲ ପ୍ରଦର୍ଶନ କରିଥିବାରୁ ମୋଦି ଏଠାରେ ପଶ୍ଚିମ ଓଡ଼ିଶା କାର୍ଡ ଖେଳି ପାରନ୍ତି ବୋଲି କୁହଯାଉଛି।</p><p>ସେପଟେ ପଶ୍ଚିମ ଓଡ଼ିଶା ଚାଷୀ ବହୁଳ ଅଞ୍ଚଳ ହୋଇଥିବାରୁ &#039;ସ୍ୱାଭିମାନ ସମାବେଶ&#039;ରେ ମୋଦି ଧାନର ଅଭାବୀ ବିକ୍ରି, ମଣ୍ଡି ଅବ୍ୟବସ୍ଥା ଓ ସମବାୟ ଋଣରେ ଦୁର୍ନୀତି ଆଦି ପ୍ରସଙ୍ଗ ଉଠାଇପାରନ୍ତି।</p><p>ଗତ ୫ ତାରିଖରେ ମୋଦିଙ୍କ ବାରିପଦା ଗସ୍ତ ଦିନ ପୁରୀରେ ନବୀନ କରିଥିଲେ ମହିଳା ସ୍ୱୟଂ ସହାୟକଙ୍କ ସମାବେଶ। ଠିକ୍ ସେହି ଢାଞ୍ଚାରେ ଆସନ୍ତା ୧୫ରେ ଭୁବନେଶ୍ୱର ବରମୁଣ୍ଡା ପଡ଼ିଆରେ ରାଜ୍ୟ ସରକାର ଆୟୋଜନ କରୁଛନ୍ତି କୃଷି ଓଡ଼ିଶା କାର୍ଯ୍ୟକ୍ରମ। ମୋଦି ଓ ନବୀନଙ୍କ ମଧ୍ୟରେ ମଧୁର ସଂପର୍କ ଥିବା ନେଇ ଯେଉଁ ଚର୍ଚ୍ଚା ହେଉଛି, ତାକୁ ଭୁଲ୍ ପ୍ରମାଣିତ କରିବାକୁ ଏଭଳି ଷ୍ଟ୍ରାଟେଜି କରାଯାଇଥିବା କୁହାଯାଉଛି। ତେବେ ଏଭଳି ଜାଣିଶୁଣି କରାଯାଇଥିବା କଥାକୁ ବିଜେଡି ଅସ୍ଵୀକାର କରିଛି।</p><p>&lt;span style=&quot;color: #ff0000;&quot;&gt;ରାହୁଲଙ୍କ ଗସ୍ତ&lt;/span&gt;</p><p>ସେପଟେ ହିନ୍ଦୀ ହାର୍ଟଲ୍ୟାଣ୍ଡର ୩ ରାଜ୍ୟରେ ବିଜୟ ପରେ ଉତ୍ସାହିତ ଥିବା କଂଗ୍ରେସ୍ ସଭାପତି ରାହୁଲ ଗାନ୍ଧି ଆସନ୍ତା ୨୫ରେ ଓଡ଼ିଶା ଆସିବେ। ସେ ରାଜଧାନୀ ଉପକଣ୍ଠ ତମାଣ୍ଡୋ ଷ୍ଟାଡିୟମରେ ସଭା କରିବେ। ସମାବେଶରେ ରାହୁଲ ବୁଦ୍ଧିଜୀବୀ, ହାଲ୍ ପ୍ରତିନିଧି ଓ ଚାଷୀଙ୍କୁ ଭେଟିବାର କାର୍ଯ୍ୟକ୍ରମ ରହିଛି। ରାହୁଲଙ୍କ ଗସ୍ତ ନେଇ ଆଜି କଂଗ୍ରେସ କାର୍ଯ୍ୟାଳୟରେ ଖୋର୍ଦ୍ଧା ଜିଲ୍ଲା କଂଗ୍ରେସ କମିଟି ପକ୍ଷରୁ ପ୍ରସ୍ତୁତି ବୈଠକ ହୋଇଛି।</p><p>ମୋଦିଙ୍କ ସମାବେଶ ପରେ ଆସନ୍ତା ୧୮ ତାରିଖ ଓ ଫେବ୍ରୁୟାରୀରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ ଓଡ଼ିଶା ଆସିବେ। ହେଲେ କେଉଁ ନେତାଙ୍କ ପ୍ରଭାବ ଜନତାଙ୍କ ଉପରେ ଅଧିକ ପଡ଼ିବ ତା ଉପରେ ସମସ୍ତଙ୍କ ନଜର ରହିଛି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।