ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡ଼ିଶା ରିପୋର୍ଟର): କଟକ ରାମଦାସପୁରରେ ଗୀତାଞ୍ଜଳି ଗ୍ରୁପ୍ ମେଗା ଜେମସ୍ ଓ ଜୁଏଲରୀ ପାର୍କ ନିର୍ମାଣ କରିବାର ପ୍ରସ୍ତାବ ଥିଲା। ୬୮୫ କୋଟି ଟଙ୍କାରେ ନିର୍ମାଣ ହେବାକୁ ଥିବା ଏହି ପ୍ରକଳ୍ପକୁ ରାଜ୍ୟସରକାର ନୀତିଗତ ଅନୁମତି ଦେଇଥିଲେ। ୨୦୧୬ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାର ଭୂମିପୂଜା କରିଥିଲେ। ତେବେ ପଞ୍ଜାବ ନ୍ୟାସନାଲ ବ୍ୟାଙ୍କ (ପିଏନ୍‌ବି) ମହାଘୋଟାଲା ପଦାକୁ ଆସିବା ପରେ ଏଥିରେ ଫସି ରହିଥିବା ଗୀତାଞ୍ଜଳି ଗ୍ରୁପର ଓଡ଼ିଶା ପ୍ରକଳ୍ପକୁ ନେଇ ଅନିଶ୍ଚିତତା ଦେଖାଦେଇଛି।</p> <p>ଗୀତାଞ୍ଜଳି ଇନ୍‌ଫୋଟେକ ଲିମିଟେଡ୍ ହେଉଛି ଗୀତାଞ୍ଜଳି ଜେମ୍ସର ଏକ ୟୁନିଟ୍। ଯାହାର ମାଲିକ ହେଉଛନ୍ତି ମେହୁଲ ଚୋକ୍ସି। ପିଏନ୍‌ବି ମହାଘୋଟାଲାରେ ୧୧ ହଜାର ୪୦୦ କୋଟି ଟଙ୍କାର ଚୁନ ଲଗାଇଥିବା ନିରବ ମୋଦିଙ୍କର ମାମୁ ତଥା ବିଜନେସ୍ ପାର୍ଟନେର୍ ହେଉଛନ୍ତି ମେହୁଲ୍। ତେବେ ଏହି ମହାଦୁର୍ନୀତି ପଦାକୁ ଆସିବା ପରେ ଓଡ଼ିଶାରେ ଗୀତାଞ୍ଜଳି ଜେମସ୍, ଜୁଏଲାରୀ ଓ ଲାଇଫଷ୍ଟାଇଲ୍ ପାର୍କର ଭବିଷ୍ୟତ ନେଇ ଅନିଶ୍ଚିତତା ଦେଖାଦେଇଛି।</p> <p><a href="">(image) </a>ଫେବ୍ରୁଆରୀ ୨୦୧୬ରେ ମୁମ୍ବାଇରେ ହୋଇଥିବା ମେକ ଇନ୍‌ ଇଣ୍ଡିଆ କାର୍ଯ୍ୟକ୍ରମରେ ଗୀତାଞ୍ଜଳି ଜେମ୍ସ ଓଡ଼ିଶାରେ ଜୁଏଲାରୀ ପାର୍କ ପ୍ରତିଷ୍ଠା ପାଇଁ ଆଗ୍ରହ ଦେଖାଇଥିଲା। ଏନେଇ କଂପାନୀ ପକ୍ଷରୁ ରାଜ୍ୟ ସରକାରଙ୍କ ପ୍ରତିନିଧିକୁ ପ୍ରସ୍ତାବ ମଧ୍ୟ ଦିଆଯାଇଥିଲା। ପରେ ଷ୍ଟେଟ୍ ଲେଭେଲ୍ କମିଟି ଏହି ପ୍ରୋଜେକ୍ଟକୁ ମଞ୍ଜୁରୀ ଦେଇଥିଲା। ତେବେ ପିଏନ୍‌ବି ଦୁର୍ନୀତିରେ ନିରବ ମୋଦି ଓ ମେହୁଲ ଚୋକ୍ସିଙ୍କ ସମ୍ପୃକ୍ତି ପଦାକୁ ଆସିବା ପରେ ଏହି ପ୍ରୋଜେକ୍ଟକୁ କିପରି ଆଗକୁ ବଢ଼ିବ, ତାକୁ ନେଇ ଚିନ୍ତାରେ ପଡ଼ିଛନ୍ତି ରାଜ୍ୟ ସରକାର। ତେବେ ଏହି ପ୍ରକଳ୍ପ ଲାଗି ଅନ୍ୟ ପୁଞ୍ଜିନିବେଶକାରୀ ଯୋଗାଡ କରିବା ପାଇଁ ପ୍ରୟାସ କରାଯାଉଥିବା ରାଜ୍ୟ ଶିଳ୍ପ ସଚିବ ସଂଜୀବ ଚୋପ୍ରା କହିଛନ୍ତି।</p> <p>ଗୀତାଞ୍ଜଳି ଗ୍ରୁପ୍ ମେଗା ଜେମସ୍ ଓ ଜୁଏଲରୀ ପାର୍କ ପାଇଁ ୧୦୦ ଏକର ଜମି ଆବଶ୍ୟକ। ସେଥିମଧ୍ୟରୁ ୩୦ ଏକର ଜମି ପାଇଁ ଗୀତାଞ୍ଜଳି ଗ୍ରୁପ୍ ଅର୍ଥ ପୈଠ କରିଥିଲା। ମାତ୍ର ଏୟାଏଁ କମ୍ପାନୀକୁ ଜମି ହସ୍ତାନ୍ତର କରାଯାଇନଥିଲା। ଏହି ପ୍ରକଳ୍ପ ଅନ୍ତର୍ଗତ ଡାଇମଣ୍ଡ କଟିଂ, ପଲିସିଂ ଓ ହୀରା, ସୁନା, ରୁପା ଓ ପ୍ଲାଟିନମ ଗହଣା ଡିଜାଇନିଂ ସହ ଫ୍ୟାସନ ଜୁଏଲରୀ ଓ ଲାଇଫ୍ ଷ୍ଟାଇଲ୍ ସାମଗ୍ରୀ ପ୍ରସ୍ତୁତ କରାଯାଇଥାଆନ୍ତା। ସେହିପରି ଏଠାରେ ରିଟେଲ ଓ ଏକ୍ସପୋର୍ଟ ହାଉସ ମଧ୍ୟ ଖୋଲିବାକୁ ଯୋଜନା ଥିଲା। ଏହି ପ୍ରକଳ୍ପ ଦ୍ୱାରା ୧୬ ହଜାରରୁ ଅଧିକ ନିଯୁକ୍ତି ସୁଯୋଗ ସୃଷ୍ଟି ହୋଇଥାଆନ୍ତା।</p> <p>https://youtu.be/QHZqAeGcPuk</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
