ଠାକୁରଙ୍କ ସହ ବି ଖେଳିଲେ: ଧର୍ମ ସହିଲାନି, ୬ ଗିରଫ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ମନସ୍କାମନା ପୂରଣ ପାଇଁ ଠାକୁରଙ୍କ ପାଖରେ ଘିଅ ଦୀପ ଜଳାଯାଏ। ମାତ୍ର ଏହି ଭେଜାଲ ଦୁନିଆରେ ଠାକୁରଙ୍କୁ ମଧ୍ୟ ଠିକିବାକୁ ପଛାଏ ନାହିଁ ମଣିଷ। ଘିଅ ଟିକକରେ ପୂଜା ପାଉଥିବା ଦିଅଁଙ୍କୁ ଠକିବାକୁ ଯାଇ ୟା&rsquo;କୁ ବି ଭେଜେଲ କରାଯାଉଛି। କଥାଟି ଶୁଣିବାକୁ ଆଶ୍ଚର୍ଯ୍ୟ ନ ଲାଗିଲେ ବି ମୁହଁକୁ ଆପେ ଆପେ ଆସିଯାଉଛି, ସତରେ ଧର୍ମ ଛାଡିଗଲାଣି।</p> <p>ଏହିଭଳି ଏକ ଠକାମୀର ନମୂନା ଦେଖିବାକୁ ମିଳିଛି ରାଜଧାନୀ ଭୁବନେଶ୍ୱରରେ। ନକଲି ଘିଅ ତିଆରି କରି ବିକ୍ରି କରୁଥିବା ଏକ ଗ୍ୟାଙ୍ଗ ଆଜି ଧରା ପଡ଼ିଛନ୍ତି। ଭୁବନେଶ୍ୱର କମିଶନରେଟ୍&zwnj; ପୋଲିସ ଏହି ଘଟଣାରେ ୬ ଜଣଙ୍କୁ ଗିରଫ କରିବା ସହିତ ନକଲି ଘିଅ ପ୍ରସ୍ତୁତି ସରଞ୍ଜାମ ଜବତ କରିଛି।</p> <p>ଭୁବନେଶ୍ୱର ରେଳଷ୍ଟସନ ନିକଟ ବଙ୍ଗାଳି ବସ୍ତିରେ ନକଲି ଘିଅ ଫ୍ୟାକ୍ଟ୍ରି ଚାଲିଥିଲା। ଏଠାରେ ନକଲି ଘିଅ ପ୍ରସ୍ତୁତ କରାଯାଏ। ନିମ୍ନମାନର ରିଫାଇନ ତେଲକୁ ପ୍ରଥମେ ଗରମ କଢ଼େଇରେ ପକାଯାଏ। ପରେ ସେଥିରେ କିଛି ଶୁଦ୍ଧ ଦେଶୀ ଘିଅ ଓ ସେଣ୍ଟ ମିଶାଇ ପ୍ରସ୍ତୁତ କରାଯାଏ ଖାଣ୍ଟି ଘିଅ। ତା&rsquo;ପରେ ବଜାରକୁ ବିକ୍ରି ପାଇଁ ଆସିଥାଏ ଏହି ଘିଅ। ଯାହାକୁ ୮୦ରୁ ୧୦୦ଟଙ୍କା ବିକ୍ରି କରାଯାଉଛି।ଏହି ଘଅ ପୂଜାରେ ବ୍ୟବହାର ହୋଇଥାଏ। ସେହିପରି ଖାଇବା ଘିଅ ମଧ୍ୟ ଏଠାରେ ତିଆରି ହେଉଥିଲା। ଦୀର୍ଘ ୫ ବର୍ଷ ଧରି ଏଠାରେ ନକଲି ଘିଆ ତିଆରି ହେଉଥିଲା। ଏ ସମ୍ପର୍କରେ କମିଶନରେଟ୍&zwnj; ପୋଲିସ ଜାଣିପାରି ଫ୍ୟାକ୍ଟ୍ରି ଉପରେ ଚଢ଼ାଉ କରି ୬ ଜଣଙ୍କୁ ଗିରଫ କରିଛି। ଏପରିକି ଦୁଇ କ୍ୱିଣ୍ଟାଲରୁ ଅଧିକ ନକଲି ଘିଅ ଓ ପ୍ରସ୍ତୁତି ସରଞ୍ଜାମ ଜବତ କରିଛି।</p> <p>ପୋଲିସ କମିଶନର ଯୋଗେଶ ବାହାଦୂର ଖୁରାନିଆ କହିଛନ୍ତି-&ldquo;ନକଲି ଘିଅକୁ ଅସଲି ଗୁଆ ଘିଅ କହି ବିକ୍ରି କରୁଥିଲେ। ଏହି ଘିଅର ନମୂନା ପରୀକ୍ଷା ପାଇଁ ପଠାଯିବ।&rdquo;</p>