ସମ୍ବଲପୁର(ଓଡ଼ିଶା ରିପୋର୍ଟର): ସମ୍ବଲପୁରରେ ଚୋରା ବନ୍ଧୁକ କାରବାରର ପର୍ଦ୍ଦା ଫାସ କରିଛି ପୋଲିସ୍। ଏହି ଘଟଣାରେ ଚୋରା ବନ୍ଧୁକ ବେପାରୀ ମହମ୍ମଦ ଜାହିନ୍ ଖାନଙ୍କୁ ଗିରଫ କରିଛି। ତାଙ୍କର ଜଳେଇପଡ଼ା ସ୍ଥିତ ଘରୁ ୫ଟି ଚୋରା ବନ୍ଧୁକ ସହ ୧୨ଟି ଜୀବନ୍ତ ଗୁଳି ଓ ୨ଟି ଖୋକା ଜବତ କରିଛି।
ମହମ୍ମଦ ସହରରେ ଦୀର୍ଘ ଦିନ ହେବ ଚୋରା ବନ୍ଧୁକ କାରବାର ଚଳାଇ ଆସୁଥିଲା। ତାଙ୍କ ନାଁରେ ଜିଲ୍ଲାର ବିଭିନ୍ନ ଥାନାରେ ଏକାଧିକ ମାମଲା ଥିବା ପୋଲିସ ପକ୍ଷରୁ କୁହାଯାଇଛି। କେଉଁ ସ୍ଥାନରୁ ମହମ୍ମଦ ବନ୍ଧୁକ ଆଣୁଥିଲା ଓ କେଉଁମାନଙ୍କୁ ଚୋରାରେ ବିକ୍ରୀ କରୁଥିଲା, ତା’ ଉପରେ ଖୋଳତାଡ଼ କରୁଛି ପୋଲିସ୍। ଏହି ଘଟଣାରେ ଆହୁରି ଗିରଫଦାରୀର ସମ୍ଭାବନା ରହିଛି ବୋଲି ପୋଲିସ୍ କହିଛି।